Auriacus, sive libertas saucia

[p. 122]

Iosepho Scaligero ervditionis principi, Temporis Restitvtori, felix anni exorientis Initivm Optat Daniel Heinsivs.
Ad Annvm & Tempvs.

O Rigorerum, mensium bis sex pater,
Ingentis aeui, saeculique pertinax
Rotator: o qui mille per gyros soles
Redire eòdem, quique crescendo peris
Pereundo crescis, teque prodigus tui
Perdis, sed in te. tuque quoque o bifrons Deus
Censorque, tergi magne lustrator tui.
Tuque ille rerum trux vorator omnium
Tempus renascens; vindicem tibi tuum
Nobisque serua, seriorque sit meis
Lux illa fatis, quâ solo & mortalibus
Ereptus oris Iulij sacrum genus
Heroas inter Caesari iunctus suo
Caeli patentes arduus tundet fores.
Tempus memento, votaque exaudi mea
Nobis tibique consecrata: nec potes
Seruare nobis nolle, quem seruas tibi.