Psalmen Davids na d'Ebreeusche waerheit

Beati quorum remisse sunt.
Psalme. XXXII.

Dauid ghestraft sijnde met siecten om sijnder sonden vville, sijnghd dat sy saligh sijn, die duer haer schuld niet en vallē inden val daer hy is, belijdt sijn sonden, die God hem vergheeft: vermaent de quade tot vvel te leuene, ende de goede om hemlien te verhueghen in Gode.

ZAlich is hy, wiens ouertredigh leuen Is
vutghedaen, en mildelic vergheuen: Wiens
zonden zijn vanden Heere perfect Wt ghena

[p. 68]

den verborghen en bedect. Saligh is hi welc-
ken God vol ghenaden Niet toe en schrijft de
boos heit nochte quaden: Oock in wiens
gheest ende binnensten grond Men
noynt valscheit noch eenigh bedrogh vond.

Om dat ic zweegh mijn mesdaet niet en kende

Mijn ghebeenten zijn gh'eel vergaen ten hende
Deur mijn daeghelicx gheween ende beclagh:
Want my dijn handt verzwaerde nacht en dagh

Dus verdrooghde ooc als inder zonnē claerheit

Mijn vochticheit, ende cracht inder waerheit,

[p. 69]

 

Ic heb' u dan ontdect mijn zonden al

 

V niet verborghen mijn quaed en mesval.

 

 

 

VVant ic doen dacht, en sprack: ic zal belijdē

 

Mijn zonden voor den Heere t'allen tijden,

 

En ghy hebt terstond van my gheweert reyn

 

De schulden van al mijn zonden certeyn.

 

Daer om zullen ooc alle helighe lieden

 

Ter goeder tijdt, tot v med bidden vlieden:

 

En al waert dat zulcker een straf caem' an

 

Veel waters vloeds, t'mocht hem niet letten dan.

 

 

 

Ghy Heere zijt mijn stercke plaets' en stede

 

Die my bewaert, engheeft my oorzaeck' mede

 

Om van alle sijen te zijn' verhueghd

 

Midts tverlossen' gheschiedt duer dijne dueghd.

 

Comt al hier dan ic zal ulieden leeren

 

En doen verstaen, den rechten wegh des Heeren

 

Deur den welcken ghylien moet henen gaen

 

En zal v med mijn ooghen gade slaen.

 

 

 

En zijd toch niet als muulen ende peerden

 

Die zonder reden gaen hier lancxt der eerden:

 

VViens mule datmen moet breydelen wel

 

Op datse v niet en zouden byten snel.

 

Veel lijdens zal de Godloose benauwen:

 

Maer veel weldaeds ghebuert die God betrauwē

 

Ghy gherechtighe, ende van herten goed

 

Verblijdt v in Gode met eenen moet.