Psalmen Davids na d'Ebreeusche waerheit

(1565)–Lucas de Heere– rechtenstatus


Domine quis habitabit. Psalme. XV. Desen Psalm zijnght, en leert, met welcke dueghdelicke zeden dat behoorden verciert te zijne, de rechte borghers des Hemels. WIe isser (ô God bouen al) Die zal in u hutte verkeerē? VVie ist onder t'meinsch'lic ghetal Die wonen ende blyuen zal Op uwen baergh, heligh vul eeren? Tsal zijn de mensche goed en slecht Die wandelt in vprechtichede
[pagina 42]
En niet en doed, ten zi wel recht, Ia die niet en spreect of en zeght Dan tghuent daer in waerheit heeft stede. Die med zijn tonghe (als een onvroed) Gheen achterclap doed t'anders blame, Die zinen naesten niet mesdoed, Noch en tijdt (zoomen ooc en moet) Zijns naesten hinder in zijn fame. Die hem zelfs cleen acht naer den gheest En versmaedt die boosheyt vseren, Maer verheft die den Heere vreest Die houdt (al hinderet hem meest) Zijn beloften zonder frauderen. Die zinen naesten niet en stroopt Med woucker croos, oft eyghen bate, Noch eens anders recht en vercoopt: Die dit doed (hoe zijn zake loopt) Zal vast bliuen in goeden state.