Rymkronyk van Jan van Heelu betreffende den slag van Woeringen van het jaer 1288

CCXXIV. 8 novembre 1293.

Johannes, Dei gratia dux Lotharingiae, Brabantiae et Lymburgiae, universis praesentes litteras visuris salutem. Noveritis, quod Nos omnibus religiosis terrae nostrae promittimus fide media et eisdem concedimus, propter servitia ab eisdem religiosis nobis, in magnis nostris necessitatibus, gratanter impensa, quod infra octo annos continuos nullum prorsus servitium ab ipsis exigemus,

[p. 578]

nobis aliquatenus faciendum, nec secundum quod in litteris abinde confectis, et sigillo nostro, ac sigillo Johannis filii nostri primogeniti, sigillatis, plenius est expressum. Insuper remittimus praefatis religiosis omnes occasiones, quas contra ipsos, aut possessiones ipsorum, quas nunc possidentes sunt, quaerere, proponere aut movere possemus, usque in praesentem diem, per Nos, alium vel alios, aliquo ingenio sive causa, salva nobis hereditate nostra, et praefatos religiosos super omnibus occasionibus, quas contra ipsos habebamus vel habere poteramus, usque in hodiernum diem, penitus absolvimus et quitamus. Praeterea promittimus dictos religiosos in bonis, possessionibus ac libertatibus eorumdem, contra quoscunque, tanquam ipsorum justus ac verus advocatus, favorabiliter defensare. In cujus rei memoriam et munimem sigillum nostrum praesenti est appensum. Datum anno Domini M^o CC^o XCIIJ^o, mense novembri, in octavis omnium Sanctorum.

[Folio lxxviij, recto.]