Rymkronyk van Jan van Heelu betreffende den slag van Woeringen van het jaer 1288

CCXX. 12 janvier 1287.

Nos Johannes, Dei gratia Lotharingiae et Brabantiae dux, notum facimus universis praesentes litteras visuris, quod Nos communem morum in Ordenen, quem Walterus Volecart, noster miles ac nostrorum reddituum Brabantiae collector, ad censam contulit, personis quibuscumque, sive

[p. 576]

quaecunque personae receperunt ab eodem, hiis contra quoscumque promittimus firmiter garandire, quem morum absque aggeratione tenebunt et habebunt, nec aggerare tenebuntur; quibus aquaeductum concedimus, sive cursum aquae, prout hactenus habebatur per selusas, sive aquaeductus de Orderdamme, ad commodum et utilitatem mori ejusdem, prout eis melius videbitur expedire. In cujus rei testimonium praesentibus litteris sigillum nostrum duximus apponendum. Datum anno Domini millesimo ducentesimo octogesimo sexto, dominica post Epiphaniam Domini.

[Folio lxxviij, verso.]