CCXI. Décembre 1271.
Johannes Dei gratia dux Lotharingiae et Brabantiae, universis praesentes litteras visuris salutem et omne bonum. Noverit universitas vestra, Sigerum dictum de Brania contulisse Godefrido dicto de Holar, in Erpse commoranti, xij bonaria terrae sitae in parochia de Erpse, ad annuum censum xxij modiorum frumenti boni et pagabilis speciei, in nativitate Domini, ubicumque idem Sigerus maluerit infra limites dictae parochiae, cum mensura Lovaniensi deliberandi, jure hereditarie tenenda et possidenda. Dictam vero hereditariam collationem sive donationem fecit idem Sigerus coram nobis, praesentibus etiam et consentientibus dominis inde suis inferius annotatis, videlicet Lamberto de Humelgheem, a quo tria bonaria et dimidium dictae terrae tenentur hereditarie, sub quatuor denariis Lovaniensium et ad jus de Uccle, prout jacent in loco, qui dicitur Bruninxstreke. Item ab Henrico dicto Avensone tria jornalia, sub duobus denariis hereditarie et ad duplicem censum vendendo aut alienando, prout inde jacet dimidium bonarium juxta viam, versus Worst, et jornale ultra Scuirbeke. Item ab Egidio de Drische quoddam bonarium situm juxta quercum, sub uno denario et ad duplicem censum, si ipsum vendi contigerit aut alienari. Item a Gossuino, dicto Rubloet, dimidium bonarium, sub uno denario, prout jacet juxta pomerium Arnoldi de Winengheem, secus viam, et ad duplicem censum alienando aut vendendo. Item a Johanne, dicto de Curia, duo bonaria et jornale terrae sitae ultra Scuirbeke, juxta viam, sub tribus denariis et ad duplicem censum alienando aut vendendo. Item a Johanne, dicto de Tudinchem, duo bonaria terrae sitae similiter ultra Scuirbeke, sub tribus denariis et ad duplicem censum alienando aut vendendo. Item a Godefrido filio Limmodis bonarium et dimidium terrae sitae super Houtensberch, sub duobus denariis et ad duplicem censum alienando aut vendendo. Item a Godefrido de Curia dimidium bonarium prati, siti in Ranseinbroec,
sub obolo et ad duplicem censum alienando aut vendendo. In quorum testimonium et munimen, et ut praedicta firma permaneant et inconcussa, ad petitionem utriusque partis, Sigeri scilicet et Godefridi, sigillum nostrum praesentibus duximus apponendum. Datum et actum anno Domini millesimo ducentesimo septuagesimo primo, mense decembri.
[Folio xliiij, verso.]
Auteursrechtvrij