Rymkronyk van Jan van Heelu betreffende den slag van Woeringen van het jaer 1288
(1836)–Jan van Heelu–
AuteursrechtvrijCLXXXIII. 1292Ga naar voetnoot1.Keure de l'ammanie de Bruxelles, octroyée par Jean, duc de Brabant.Wi Jan, bider gracien ons Heren hertoge van Lothrije, van Brabant ende van Limborch, maken | |
[pagina 542]
| |
cont ende kinnenGa naar voetnoot1 allen den genen die desen brief sulen sien of horen lesen, dat Wi, puerlic ende om gode, ende om onser sielen wille, ende om die sielen daer Wi af comen sijn, ende om die sielen die van ons comen selen, endeGa naar voetnoot2 omme minne die Wi tonsen lieden dragen, gegeven hebben onsen lieden van denselven ammanscape, al sule gedaen recht alse hir na volget ende bescreven es, ende want Wigedaen hebben bi rade onser manne ende onser liede van den lande, dat es te verstane: Wie den anderen logenstroepsteGa naar voetnoot3, ochte seget: Godsat hebdi! geouneert werdi! ochte: ghi sijt een quaet, mit felheden, hi es om vijf scellinge lovensche cleinre munten, iegen den heerGa naar voetnoot4. Ende doet een dorpman enen ridder,hi ees om hondert scellinge, ende doet een dorpman enen cnape, die van ridders aerde comen es, ende noch es cnape, hi ees om XX scellinge. Ware oec dat tsake, datGa naar voetnoot5 enen anderen mit handen sloege, ochte mit voeten stiete, of cleet scoorde, of trocke mitten hare, sonder bloet resen, hi waers om X scellinge iegen den heer, ende die mesdaet moet hi beteren na raet der scepenen, ochte der mannen, sinen wedersake. Ende viele die cnape ter eerden van dien slage, ochte storteGa naar voetnoot6, soe waer sijn wedersake om XX scellingeGa naar voetnoot7. Ende sloc die dorpman enen ridder mit handen, hi hadde die hant verloren. Stiete hine mit voete hi hadde den voet verloren. Ende sloege een dorpman enen cnapeGa naar voetnoot8 die van ridders aerde comen es, ende noch es cnape, ochte stiete metten voete, hi waers om C scellingeGa naar voetnoot9. Viele die cnape ter eerden van dien slage, ochte stote, die dorpman waers om VII pond ende X scellingeGa naar voetnoot10. Bloede die cnape van dier daet, die dorpman waers om X pont. Die enen stoc toegeGa naar voetnoot11, enen anderen mede te velleneGa naar voetnoot12 sonder slaen, hi waers om X scellinge. Die den anderen sloege mit enen stoc, sonder bloet reisen, hi waers om XX scellinge. Sloege hine oec ter eerden, sonder bloet resen, hi waers om XXX scellinge. Sloege hine dat hi bloede, sonder mincsel, ochte bene uut denGa naar voetnoot13 hoofde te doen, hi waers om III pont. Verminete hine, of gaen hem been uten hoofde van dien colvenslage, hi waers om C scellingeGa naar voetnoot14. Wie een sweert trocke, enen anderen mede te evelne, sonder daet, hi waers om XX scellinge. Waert dat sake dat hire yemende mede sloege, dat hi bloedde, sonder minesel, hi waers om C scellinge. Waer oec dat tsake dat yemen den anderen vermincte, sonder mit verbodene wapenen, sonder lit te verliesene, hi waers iegen den heer om VII pont. Waert oec dat tsake dat hi dlit verlore, let iegen lit, lijf iegen lijf storve hiGa naar voetnoot15. Ende tgoet dat van hem coemt, ende daer hof ende heer af geeftGa naar voetnoot16, half tsheren wille. | |
[pagina 543]
| |
Wie anderen quetste mit versechden wapenen, sonder bloet reisen, hi waers om XXX scellinge. Bloede hi oec van dier daet, hi waers om III pont. Die den anderen vermincte mitGa naar voetnoot1 versechden wapenen, hi waer om X pont. Dit sijn versechde wapenen: knive, pilenGa naar voetnoot2, cortoisen colveGa naar voetnoot3, gepinde stave, alderhande geseut, hantaexen, ghisermen, baffule, scilde mit priemen, die men opten arm draecht. Die verloefte wapeneGa naar voetnoot4 droege hi waers om X scellinge. Die op anderenGa naar voetnoot5 trocke verseeghde wapene, sonder knijfsteke of sweertGa naar voetnoot6, hi waers om XX scellinge. Die enen knijf trocke, ochte een steecsweert, anderen mede te evelene, sonder daet, hi waers om XL scellinge iegen den here; ende en hadde hi des ghelts niet, men soude hem den knijfGa naar voetnoot7 doer die handeGa naar voetnoot8 slaen ochte steken. Wie den anderen stake mit enen knive of mit enen steecsweerde ene opene wonde, hi waers om XX pond iegen den heer, of die hand verloren, daer hine medeGa naar voetnoot9 stake. Wie dat yement scote mit vorradeGa naar voetnoot10, hi verloerGa naar voetnoot11 lijf ende goet. Wie waer in dootvedenGa naar voetnoot12, ende buten vrede waer, hi mochte dragen allrehande wapene. Wie stale beneden vijf scellinge weert, men soudene tekenen; vondemen getekent, ende anderwerf stael, hi hadde dlijf verboert, lijf ende goet, ende half tgoet tsheren wille. Wie datGa naar voetnoot13 brant of roef of transeneringe dade, hi hadde lijf verboert ende sijn goet. Wie vrouwen of ioncvrouwen vercrachte, men sal hem den hals afsagen mit eenre plaucken. Die vrede brect men sal neGa naar voetnoot14 in vieren delen, ende die here sal ne setten doen op vier horneke van sinen lande. Ende een man en mach genen vrede breken iegen den ghenen daer hi met etd en drinket dagelics, noch ane den selven man, die an hem vrede te brokenGa naar voetnoot15 heeft, te dien heten stride; nochtan blijf den vredeGa naar voetnoot16 gestade ane alle dandere, sonder an den genen die daer den vrede te brokenGa naar voetnoot17heeft. Wie enen man volget ochte sochteGa naar voetnoot18 in een huus, mit heten stride, hi ees om III pont, ende elc die hem volgenGa naar voetnoot19 in sine hulpe es om XX scellinge. Die huussuekingen dade, bi dage, mit beradenen rade, en waer op sinen hantdadegen viantGa naar voetnoot20, die sijn viantGa naar voetnoot21 es, hi waers om X pont, ende elc die hem volgede in sijnre hulpen warensGa naar voetnoot22 om III pont. Die huussuekinge dade bi nachte, mit beradenen rade, en waer op sinen hantdadegen sculdeghen dootviant, hi waers om XX pont, ende elc die hem volgede, in sijnre hulpen, warens om C scellingeGa naar voetnoot23. Dien tsheren cnapen vrede eisschet, van sinen halvenGa naar voetnoot24, ontseegt hine, ende en geeft hineGa naar voetnoot25 niet, hi ees om XX scellinge iegen den here; eisschet hineGa naar voetnoot26 anderwerf, ende en geeft hineGa naar voetnoot27 niet, hi eesGa naar voetnoot28 om XX scellinge. Ende eisschet hine derdewerf, ende omrnerGa naar voetnoot29 met orconden, ende en geeft hineGa naar voetnoot30 niet, hi ees derdewerf om XX scellinge. Hier na mach hineGa naar voetnoot31 houden de ghene die den vrede eisste, over den vrede, ende over sine misdaet; ende ontgaet hi hem mit crachte, hi ees om XX pont; ende nochtan eest vrede. Gebode hine te houdene ochte enegen mesdadeghen man, die gene die hem niet en holpe bi waers om XX scellinge. Die pale ochte mere uut dade, hi eesGa naar voetnoot32 om III pont. | |
[pagina 544]
| |
Die pale ochte meer sette sonder sinen termptgenoot, ochte sonder recht, hi waers om III pont iegen den heer. Die tsheren cnapen ochte enegen anderen sinen stoc name, hi waers om XL scellinge, ende den man weder te gelden sine scade. Die behacht goet aenverde, dat mitten rechtere es behacht, hi ees om III pont iegen den heere, ende hi moet tgoet weder bringene ter stat daert was, ende ten rechte. Wie datGa naar voetnoot1 ongeiaert kint enwechGa naar voetnoot2 leet, en ware bi rade svaders ende moeders, ochte der mageGa naar voetnoot3, hi hadde sijn lijf verboert ende sijn goet. Die vrouwe ochte ioncvrouwe mit crachte name, ende ment ter waerheit vonde, hi en mochte nemmer dlant gecrigen, ende hi hadde lijf ende goet verboert iegen den heer. Ende waert dat die vrouwe ochte ioncfrouwe mit hem bleve, ende seide dat haers dancs waerGa naar voetnoot4; ende haers willen, so hadde si haer goet verboert tote dier wilen dat si weder quame, ende seideGa naar voetnoot5 dat waer haers ondanckens, dan sonde si haer goet gebruken. Ginge si weder tot dien man soe hadde si haer goet verbuert, also lange als si levede, te haren behoef iegen den here van den lande, behoudelec des naestes erfachters haren rechte. Ende na haer lijf comet tgoet haren naesten geerven, sonder op die kindere, die si van den man hadde die se mit crachte nam: hem en maechs niet werden. Waert dat tsake dat man of wijf daer toe holpe, of riede, dat vrouwen of ioncvrouwen mit crachte genomen wrorde, ende men dat ter waerheit vonde, hi hadde verbuert lijf ende goet iegen den here, behoudelec des erfachters haren rechte. Die eens mans boem houwet, ende breket sinen tuun, ochte nemt sijn coren, ochte sijn gars, ochte sijn vruchte, beneden V scellinge, gescietGa naar voetnoot6 bi nachte, so waer hijs om C scellingeGa naar voetnoot7, ende den man sinen scade twivout. Die mans quic sloege ende affoleerde, hi gelde den man sine scade, ende den here X scellinge. Ware dat tsake, dat yement gequetst worde van wagene, van kerren, van ploegen, van eeghden, van molenen, ochte daer men huse braec, ochte opdade, ende ment ter waerheit vonde dat die stucken onversienlec ghesciedeGa naar voetnoot8, ende onmogens, des salmen sonder scade sijn iegen den heer, ende ongeveedt iegen den man ende van der magen. Wie den anderen begote mit wine, ochte mit bier, ochte mit enigen dranc, in felhedenGa naar voetnoot9, hi waers om X scellinge. Wie den anderen slaet mit enen pot, hi ees om III pont. Ende bloedt hi so es hijs om LX scellingeGa naar voetnoot10. Wie wech vergraeft ochte yemans lant, soe dats hem yement beclaecht, hi es om XL scellinge. Dat kint dat in sijns vaders plecht es, ochte inder moeder, mesdoet, dat en sal vader noch moeder ontgeldenGa naar voetnoot11, en waer dat tsake, dat na die daet weder keerde in haren huse, bi haren wille, ende bi haren wetene, ochte dat men mochte geproeven dat kint hadde gedaen die daet bi haren rade. Wilt oec man ochte wijf sijn kint doen uut sijnre plecht, soe mach hijt wel doen milten rechte, alsoe alse man of scepene wisenGa naar voetnoot12. Es hi man ende hoortGa naar voetnoot13 hi tsheren meisenieden, soe salmen manen | |
[pagina 545]
| |
bi hulpenGa naar voetnoot1 ende bi trouwen. Es hi scepene soe sal men manen op sinen eet. Ende en es hi noch weder, soe moet hi sweren dat hi sijn kint van hem niet en doet om yemene tevelene, ochte te scadene, ende het moet sijn uut sinen huse een iaer ende enen dach, ende daer na mach hijt hueren gelijc enen vremden. Waer dat yement doot blivet, in dier urenGa naar voetnoot2 dat hi doot es, soe hebben dontseuldege tsheren vrede, VIII dage ende VIII nacht, ende daer na sal elc plegen sijnre vedenGa naar voetnoot3. Niemen en mach scoevenGa naar voetnoot4 inder heren lant, sonder die costere, hi mach sijn recht halen, die smet sijn recht, die baertmakere sijn recht, ende die preetere die teoren huedt sijn recht. Voert onse ondermeyereGa naar voetnoot5 die tors sijn, die selen hebben van den genen die ploechwinninge houden, enen scoef, ende niet meer, vore haren dienst. Die elre scoeve gave, dan die geneGa naar voetnoot6 die hier genoemt sijn, hi hadde verbuert XX scellinge, ende dieGa naar voetnoot7 eischte XX scellinge; nochtan moetene die here af doen van sinen dienste. Voert willen Wi dat noch onse drossate noch onse rechtere niemen niet en neme, buten vonnisse. Ende Wi willen dat niemen onsen drossate, noch onsen rechteren, noch onsen vorsteren, noch niement te hare behoef, ne geenrehande ghiften nemen van yemene, ochte dat hem yement dienst dadeGa naar voetnoot8, ende waert dat si enegerhande ghiften nemen van yemene, ochte dat hem yement dienst doeGa naar voetnoot9, om recht te doen, noch om recht te lettene, ende waert dat si gifte namen van yemende, ochte dat hem yement dienst dade om dese dinc, hi segt Ons, Wi selent hem weder gelden, ende gevenGa naar voetnoot10 twivout, ende die des niet en dade, hi verbuerde lijf ende goet. Negeen geordene liede noch porteren van onsen lande, noch van binnen, en mogen vercrigen erfachtich goet onder Ons, en si bi onsen orlove. Wie soe dat boeme te nae heeft staende den wege, daer yement over claegt, vintment ter waerheit, die here mach die bome uut doenGa naar voetnoot11 houwen, te sinen behoef, ende daer mede es die man quite, ende die here salt doen rumen den man. Van mannen ende van scepenen te wederseggene, dat sal men beteren alsoe als haer hofrecht wijst, van den dingen van alderhande stucken te doen, daer af alst recht es. Wie dat hoert ten sente Peteren te Lovene, ende tonser vrier meisenieden, wat dat hi geloeftGa naar voetnoot12 vore scepenen van onsen lande, dat hi geleisteGa naar voetnoot13 also als of hijt geloeft hadde voor scepenen van onsen vrie porten, ende in anderen stucken gebruken hare meisenieden, alse sente Peters liede sculdich sijn te gebrukene. Daer men die waerheit doen sal, van cleinen stucken ochte van groten, die moet men gebieden des sonnendages in die kerke, ende die sal die here doen doen na den maendach, te sijnre stadenGa naar voetnoot14, ende daer over selen sitten tweGa naar voetnoot15 scepenen, ochte meer scepenen, ochte man, ochte beide ees te doene mitter rechtenGa naar voetnoot16. Daer men die waerheit van cleinen stucken doet, die ter ierster waerheit niet en coemt is om II scellinge, ende en coemt hi niet ter ander waerheit, van den selven stucken, hi ees echtGa naar voetnoot17 om II scellinge. Ende en quame hi niet ter derder waerheit, so waer hi sculdich van den stuckenGa naar voetnoot18, daer men die waerheit om dede. Dat openbaer gesciet dat salmen proeven openbaer, alse van siene ende van horen, vau hem tween, of meer; dat es vol bedrach. | |
[pagina 546]
| |
Dat stille gesciet, ochte met nachte, dat salmen stille proeven, mit hem tween, ochte meer; nemen si dat op haren eet dat die gene sculdich es, dien si bedragen, so eest volle bedrach. Daer men die waerheit van groten saken (doen) sal dat an mans lijf geet, die ter ierster waerheit niet en quame, hi hadde verbuert XX scellinge; ende en quame hi metter andere waerheit van den selven stucken, hi waersGa naar voetnoot1 om XX scellinge. Ende en quame hi metter derder waerheit niet, die men dade van denselven stucken, hi waer sculdich van denselven stucken, daer die waerheit om gedaen waerGa naar voetnoot2, en waer dat tsake dat hi buten lants waer, of siec, ochte wittege nootsakenGa naar voetnoot3; ende dit selve sal sijn van cleinen stucken. Wie men aensprake van mesdaden, die metter waerheit niet betuucht en waren, hi sal hem ontsculdegen, hem derdere ter heiligen, mit wettigen lieden, die wel sijn te gelovene; en ware dat tsake dat hi vremt man ware, ende dan sal hi sweren twe eede, dat hi negeen hulpe en can gecrigen, hem mede tontsculdegen. Ende ten derden mal sal hi sweren dat hi onsculdich es van den stucken, dar men hem af ane heeft gesproken. Waert dat tsake dat hem yeman verwerde binnen sinen hove, ochte daer hiGa naar voetnoot4 gewacht waer mit gelaechder lagen, ende hi hem verwerde over nootGa naar voetnoot5, hi ware quite iegen den here, ende ongeveedt van den magen. Ende Wi bekennen onsen mannen dat si van rechte sculdich sijn te hebben haren cost, alsi in onsen dienste comen, alsoe alle onse vorderen, ende Wi tot hare hebben gedaen, ende sculdich sijn. Voert willen Wi dat monecke, nonne, papen, ende alderhande ordenen, lombarde ende joden, uut onsen lande ende onsen warandere, ende onsen rechteren, wat men an hem doet, dat tonsen wille si. Voert eigen leen ende erve salmen gebieden te vercopene in die kerke, drie XIIII nacht, des sonnedages te messen. Ende daer na die tusscen halm ende here niet en coemt, hine mach ne geen narschap hebben an dat goet, hine si buten lants, of hebbe wettege nootsaken. Voert willen Wi van scepenen ende van laten, die vonnisse varen halen, dat elc die geet te voet hebben sal tsdaechs XII. d. ende die rijt sal hebbenGa naar voetnoot6 II scellinge dages, te sijnre cost. Vort willen Wi dat die campen bliven, in al sulken poenten alse tot hare hebben geweest. Vort meer, om alle dinc te verclarene daer men an twivelen mochte, wie dat sijn goet verbuert heeft, heeft hi wijf ochte kindere, soe willen Wi dat deen hellicht blive den wive, ochte den kinderen, ende dander hellicht tsheren wille, endeGa naar voetnoot7 tsheren genadeGa naar voetnoot8. Waer oec dat wijf ochte man van buten onsen lande onder Ons quame woenen, dien willen Wi dat si gebruken hare vriheden, si ende die van hem comen, diere si souden gebruken, ofsGa naar voetnoot9 in haren lande waren bleven, op dat sijt getoenenGa naar voetnoot10 mogen, als recht wijst, mit haren gebusemen, ende mit haren oere. Waer oec dat geviel enich poent, die hier in niet gescreven es, dat soude men handelen mit scepenen ende mit mannenGa naar voetnoot11, na dien poente, die best gelijc van dien her staen bescreven. Ende alsulc rechtGa naar voetnoot12 alse hier bescreven es, soe willen Wi dat men houde, in alle onsen lande, daert tot hare sonder vonnisse heeft gestaen. | |
[pagina 547]
| |
Voert willen Wi, dat die meyere van Tienen hebbe buten Tienen ende Leuwe IIII cnapen tors, endeGa naar voetnoot1 VIII te voet. Die baeliu van Geldenaken ende van Hannuut II cnapen tors, ende IIII te voet. Die baeliu van Nivele III cnapen tors, ende VI te voet. Damman van Bruecele V cnapen tors, ende X te voet. Die scouteet van den Bossche buten den Bossche IIII cnapen tors, ende VIII te voet. Item Wi willen, vondemen meer cnapen ridende op dese ambachte, dan hier voer es geseit, wie datter enen vonde, dat hi hem sijn peert nemen mochte, sonder mesdaet, ende behouwent. Ende waer dat yemen van desen rechteren hilde meer cnapen dan hier es geseit, ochte cnechte, dat hi iegen Ons heeft verboertGa naar voetnoot2 XX pont. Ende waer dat tsake dat yeman, die mesdaen hadde, negenen vrede eisschte, ter selver uren dat die daet gesciede, ochte desselfs dages dat die vrede uut gaet, ochte eer, hi hadde verbuert iegen den here XXX pont, uutgenomen allen lieden die ons bede gelden, ende meiseniede lieden, die ons bedeliken dienst doen, die selen quite sijn om XX scellinge, al sochten si genen vrede; ende alle dander liede selen gelden XXX pont, en sochten si genen vrede, alsoe gelikerwijs alse hier voer geseit es. Vort die gene die lelic dinc dade, waer bi dat hi uten lande vluweGa naar voetnoot3, sijn naesten moestenGa naar voetnoot4 den vreden sueken, op dat hem condich es. Waer oec dat hi seide dat hem niet condich en ware, soe soudt die here op hem moten betugen, of latent op sinen eet staen. Ende oec willen Wi, wie anderen beclaegt ochte ane sprect in rechte, van wat saken hine ane sprect, ende sijnre clagen niet volcomen en can, mit waerheden, dat hijs es in al denselven poenten, dat die gene soude hebben geweest, ochte hi sijnre clagen boven waer bleven. Oec willen Wi, wie mesdoet dat hijt selve beter, et dat niement geen soengelt en gelde, noch en eissche, alse van onsen bedelieden ende meisenieden lieden, die Ons bedeliken dienst doen. Wie den anderen dreiget, ende men dat geproeven mach ter goeder waerheit, hi hadde verbuert iegen den heer XL pont, ende hi moet den gedreichden versekeren. Ende ware dat tsake dat enege nuwe stucken gescieden in den lande, die niet wel verclaert en mochten sijn metten poenten, die hier in sijn bescreven, die soude men handelen mit onsen rade, ende mitten rade onser mannen. Vort willen Wi dat ne geen van onsen rechteren sake noch querele coepen en mach, noch vercrigenGa naar voetnoot5, die wile datse in twiste of in calaengie es. Vort alle onse rechteren van den voergenoemden ammanscap, die selen Wi setten tonsen wille. Ende wanneer onse liede getoenen cunnen dat hem onse rechte brekenGa naar voetnoot6, ochte niet en doen recht, dat WiGa naar voetnoot7 hem bevolenGa naar voetnoot8 hebben, soe selen si af sijn, ende nemmer meer rechtere sijn daer na. Oec hebben Wi hem gegeven, alle die gene die nu rechteren waren, onderste ende vorstere, dat si nemmermeer rechteren sijn en mogen, noch werden, in den vorgenoemde ammanscap. Oec soe gheven Wi onsen lieden, dat si alle ondermeyere ende vorsteren selve kiesen selen. Ende dien si kiesen, die meeste partie van hem, dien selen Wi hem geven. Ende dese mogen Wi nochtan af doen, alse Wi willen. Ende alse wise dan af hebben gedaen, dan selen si selve enen kiesen, dien selen Wi hem geven. Ende wanneer onse liede wetteliken getoenen connen, dat onse meyeren ende onse vorsteren iet | |
[pagina 548]
| |
iegen dese vors. poenten doen, selen si ave sijn, ende nemmermeer meyere noch vorstere werden. Ende oec hebben Wi hem geloeft dat Wi nemmermeer noch drossate, noch meyere, noch scoutheet, noch baeliu, noch amman maken en selen, om dat si Ons enich gelt ocht goet geven, of leverenGa naar voetnoot1 selen. EndeGa naar voetnoot2 Wi Jan, bider gracien ons Heren hertoge van Lothrijc, van Brabant ende van Limborch, willecoren ende geloven bi onser trouwen, vor Ons ende vor ons oer, ende voor onse nacomelingen, die geervenGa naar voetnoot3 selen sijn van onsen lande, ende sweren ten heilegen dat Wi onsen mannenGa naar voetnoot4, arme ende rike, selen houden ende handelen na dese wet, ende na dit recht, dat hir binnen es bescreven, ende en selen sueken, noch sueken doen, engeen occusoen, noch gene behendicheit, daert met belet mochte bliven, dat dese wet niet en gesciede onser lieden. Ende selen doen sweren alle den overrechteren van onsen lande, die nu sijn, ende die Wi vorwaert maken selen, dat si selen houden, ende doen houden, alle die poente, cleen ende groot, die hier in staen bescreven, ende hiertoe horen, ende behoren mogen. Ende selen allen lieden vonnisse doen ende wet, die vonnisse eisschen, ende wet begeren, der mannen ochte der scepenen, die daer sculdich sijn over te deilene. Ende ware dat tsake, dat Wi, ochte onsen rechteren, vonnisse ende wet niet en daden den genen die vonnisse eisschen, eenwerf, anderwerf ende derdewerf, mit goeden orconden, so bevelen Wi onsen mannen, bider hulden die si Ons sculdich sijn, ende den scepenen, bi den eede die si gedaen hebben, dat si dor OnsGa naar voetnoot5 noch dor onse rechteren nemmermeer vonnissen en selen seggen, bi hareGa naar voetnoot6 wetene, na dien dat hem condich es dat yemen es rechts gebrokenGa naar voetnoot7, diet geeischt heeft, ende vervolget mit orconden. Ende wat manne ochte scepenen, hirenboven, dor Ons, ocht dor onse rechteren vonnisse seide, desen en waer recht gesciet diet geeisschet heeft, dien willen Wi houden over wetteloes, ende over meinedich, ende sonder wet handelen, na dien dat dese vonnisse hebben geeischt geweest mit oorconden van mannen ochte van scepenen, ende sijt hebben vervolget mit drie eischinge, van genechten te genechten. Ende om dat Wi willen dat alle dese poenten, die hier vore bescreven sijn, in desen brief, groot ende cleen, vaste ende gestadich bliven van Ons, ende van onsen nacomelingen, in waerheiden ende in kinnissen, hebben wi onsen segel an desen brief doen hangen, ende gelovene mit onser trouwen ewelike te houdene alle dese vorseide stucken ende poenten. Dit was gedaen int iaer ons Heren M. CC. negentich ende tweGa naar voetnoot8. Corenbock der stad Brussel (MS. sur parchemin, de la fin du quatorzième siècle, appartenant au Musée historique de Gaud), document coté no 82. |
|