Rymkronyk van Jan van Heelu betreffende den slag van Woeringen van het jaer 1288

CXL. 15 octobre 1289.

Lettres de Jean, duc de Brabant, par lesquelles il promet de se conformer à l'ordonnance que rendra le roi de France, dans sa cause contre le comte de Gueldre et les adhérens de ce dernier.

Notum sit omnibus tam praesentibus quam futuris, quod cum contentio esset inter Nos Jobannem, ducem Brabantiae, Lotharingiae et Lymburgi, ex una parte, et nobilem virum Reginaldum, comitem Guelriae, ex altera, occasione ducatus seu terrae Lymburgensis, et tandem existente occasione hujusmodi guerra inter Nos et ipsum comitem, ac sibi adhaerentes, auxiliante nostraeque justitiae favente altissimo ipsos in manus nostras concluserit, dicto comite nostris carceralibus vinculis mancipato. Et dum princeps magnificus dominus Philippus, Dei gratia rex Francorum, nobiscum de liberatione dicti comitis tractaret, et de concordia inter Nos et ipsum comitem reformanda: Nos, de legalitate et benignitate ipsius domini regis confidentes, in hoc assensum praebuimus, quod idem dominus rex, nostris rationibus primitus auditis, de alto et basso ad suum beneplacitum ordinet de liberatione dicti comitis Guelriae, et de omnibus quae ab eo petebamus, vel petere poteramus, sive pro damnis nobis et nostris ab eo et suis datis per guerram, sive pro ejus redemtione, sive pro aliis causis; item de duabus insulis, scilicet Bomulruert et Tilruert¹, quas durante guerra ceperamus; atque de quitatione nobis facienda de quatuor castris, scilicet de Usemboure², de Sprimont, de Herve, et de Wassenbergue, ac eorum pertinentus, necnon de illis octo millibus et sexcentis marcis, pro quibus idem comes castrum de Wassenbergue archiepiscopo Coloniensi obligavit, et de omnibus aliis obligationibus factis ab ipso comite, de ipsis castris, et eorum pertinentiis, vel aliquibus eorum, post obitum comitissae Hermengardis uxoris suae, de cujus hereditate terra Lymburgensis movebat, et generaliter de omnibus quae contentionem et liberationem prae-

1 Bommelerweert et Thielerweert.

2 lege Duysborch

[p. 503]

dictas contingunt, vel possunt contingere quoquomodo. Ad hoe etiam consensum expressum praebuimus, quod de omnibus petitionibus et querelis, quas Hollandiae, Juliacensis, de Montibus et de Cleves comites, confoederati nostri, contra dictum comitem habent, vel habere possunt, seu quas idem comes habet, vel habere potest, contra eos vel aliquem eorumdem.

Dominus Guido, comes Flandriae, et Nos dux Brabantiae, de plano cognoscamus seu ordinemus, ambo simul: prima videlicet quindena, quae incipiet illa die, de qua concordabimus, Nos et comes Flandriae praedictus, apud Gandavum, et alia quindena, nisi in prima omnia expedita fuerint, apud Bruxellam, et sic de quindena in quindenam, alternatim in locis eisdem, quousque de ipsis petitionibus et querelis, per Nos et comitem Flandriae fuerit finaliter ordinatum. Ita tamen quod si nobis vel ipsi comiti Flandriae visum fuerit, aliquid pro expeditione hujusmodi extra loca ipsa probandum, inquirendum, audiendum, vel inspiciendum, aut aliud ob expeditionem eorum, retenta nobis determinatione principalium, faciendum, possimus, tam Nos, quam dictus comes Flandriae, loco nostri, ad haec personas, de quibus nobis videbitur destinare, aequalitate quo ad numerum, hinc inde destinandorum servanda; adjecto, quod si alter nostrum duorum vacare locis eisdem, ut dictum est, expeditioni negotiorum ipsorum desereret, reliquus solus, nisi alius revocatus et per quindenam expectatus, rediret legitimo corporis impedimento cessante, extunc possit, ut dictum est, libere procedere et etiam diffinire. Ita tamen quod Nos procurare tenemur ea quae per Nos et dictum comitem Flandriae sic agentur in hac parte a comitibus praedictis, nostris confaederatis, rata et firma haberi. Caeterum cum peteremus a Walerano, domino Falquemontis, quatuor millia marcarum argenti, ratione cujusdam poenae erga Nos commissae, de qua, ut dicitur, dictus dominus Guido, comes Flandriae, ipsum liberare et indemnem servare promiserat, ad instantiam dicti domini regis, id desiderantis, ut solidior inter Nos et dictum comitem Guelriae concordia procederet, consentimus quod dictus dominus rex, auditis rationibus dicti comitis Flandriae, de ipsis quatuor millibus marcis, de alto et basso, sicut voluerit, ordinet et disponat. Praeterea, ut ipsa concordia per dictum dominum regem ordinanda pleniorem sortiatur effectum, ad ejusdem domini regis instantiam, de omnibus discordiis, interpresuris, controversiis et querelis, ortis vel habitis inter Nos et dictum comitem Flandriae, usque in hodiernum diem, promittimus stare dicto seu ordinationi domini Guillielmi nati ejusdem comitis Flandriae et Godefredi germani nostri praedilecti, militum, in quos quantum ad hoc compromittimus de alto et basso. Qui si fuerint discordes, discordiam referant dicto domino regi, tertio a nobis et ipso comite Flandriae communiter electo. Et valebit quicquid ipse dominus rex cum altero duorum ordinabit. Consentimus praeterea, quod si a dicto vel ordinatione dicti domini regis resiliremus vel contraveniremus aliquo tempore, quod absit, ipso facto perdamus valorem totius terrae, quam in regno Franciae ab ipso domino rege, vel aliis dominis, tenet dictus comes Guelriae, videlicet: pro singulis ceutum libratis terrae seu reditus mille libras; promittentes per juramentum nostrum, super hoc ad sancta Dei Evangelia sponte praestitum, et sub poena sexaginta millium marcarum argenti, ad marcam Coloniensem, solvenda dicto comiti Guelriae, si ex parte nostra commissa fuerit, quod illa omnia et singula, quae dominus rex praedictus dicet vel ordinabit, sive de restituendo eidem comiti dictas insulas, sive de liberando ipsum comitem, sive de quitando eum de damnis praedictis, tenebimus, adimplebimus et observabimus inconcusse. Obligantes ad praedicta et ad alia, quae dieet et ordinabit dictus dominus rex, tenenda, servanda et complenda, Nos, heredes et successores nostros, et omnia bona nostra, mobilia et immobilia, praesentia cum futuris. Promittimus etiam per juramentum praedictum tenere, servare et adimplere, quicquid per dominum Guillielmum, natum comitis Flandriae, et Godefredum, germanum nostrum, aut per dictum dominum regem, cum corum altero, si ipsi

[p. 504]

discordes fuerint, dictum vel arbitratum fuerit, de discordiis, interpresuris, controversiis et querelis, ortis et habitis inter Nos et dictum comitem Flandriae, usque in hodiernum diem, de quibus est in ipsos a nobis et dicto comite Flandriae compromissum. Item quicquid ipse dominus rex ordinaverit de quatuor millibus marcis, quas a domino Falquemontis, ut supra dictum est, petebamus. Ad hoc Nos Robertus dux Burgondiae, Aymondus filius regis Angliae, Henricus comes Sancti Pauli, Guido et Jacobus, milites, ejus fratres, Johannes comes Drocensis, Philippus primogenitus comitis Atrebatensis, et Godefredus frater ducis Brabantiae, miles, Nos et quilibet nostrum principaliter et insolidum constituimus et ponimus Nos debitores et factores, pro dicto duce Brabantiae, de praedictis restitutionibus et quitationibus, si dominus rex ordinaverit faciendis, sub dicta poena sexaginta millium marcarum praedictarum. Obligantes ad hoc quilibet nostrum insolidum, Nos, heredes et successores nostros, et omnia bona nostra, mobilia et immobilia, praesentia et futura. Hoc adjecto, quod si dictus dnx Brabantiae ab ordinatione dicti domini regis resilierit, aut contra venerit, in aliquo ejus pertinentia durante, nullum ei adjutorium, consilium vel favorem, oceultum aut manifestum, de personis nostris, vassallis, hominibus, aut amicis, fortalitiis, pecuniis, sive victnalibus, aut aliis quibuscumque contra praefatum comitem impendemus. Et si contrarium faceremus, volumus et requirimus, quod praedictus dominus rex, per ea quae sub ejus habemus dominio a talibus nos coarcet. Volumus etiam quod, si Nos omnes praedicti, qui Nos pro dicto duce constituimus in hujusmodi nostra non apponamus sigilla praesentibus, nihilominus illi nostrum, quorum in his sigilla fuerint appensa, remaneant, eorum quilibet insolidum ad omnium praemissorum, sicut praedictum est, observantiam efficaciter obligati. In quorum testimonium et firmam observantiam praemissorum Nos praedicti, Johannes dux Brabantiae, Robertus dux Burgondiae, Aymondus filius regis Angliae, Henricus comes Sancti Pauli, Guido et Jacobus, milites, ejus fratres, Johannes comes Drocensis, Philippus primogenitus comilis Atrebatensis, et Godefridus frater ducis Brabantiae, miles, praesentibus litteris nostra fecimus apponi sigilla. Actum Parisis, die sabbati post festum beati Dyonisii, anno Domini M CC octogesimo nono.

Vidimus original du roi de France, de la même année, aux archives du Royaume, à Bruxelles ( chartres des comtes de Namur).