|
| |
CXXVII. 19 mai 1289.
Convention de paix et de réconciliation entre Siffroid, archevêque de Cologne, et le comte de Berg, au moyen de laquelle ce prélat est relâché de sa captivité.
In Dei nomine amen. Nos Sifridus Dei gratia sanctae Coloniensis ecclesiae archiepiscopus, sacri imperii per Italiam archicancellarius, notum facimus universis praesentes litteras inspecturis, quod Nos, super omnibus guerris et discordiis, inter Nos ex una parte, et nobiles viros Adolphum comitem de Monte, et Henricum de Monte dominum de Windecge, fratres, dilectos fideles nostros, motis et subortis ex altera, amicabilis compositio et ordinatio, accedente ad hoc consensu dilectorum in Christo Conradi praepositi, Theodorici decani majoris, Werneri praepositi sancti Gereonis, Johannis choriepiscopi, Wicboldi scolastici ejusdem majoris capituli, et aliorum praelatornm ecclesiarum et monasteriarum civitatis et diocesis Coloniensis, facta est in hunc modum. Ita videlicet, quod Nos archiepiseopus, et nostri successores, ac ecclesia Coloniensis, praedictos comitem et Henricum et eorum heredes legitimos dimittcmus, et promittemus in futurum, in omni hereditate sua, in omne jure, favore, gratia et bona consuetudine, jurisdictione et dominio, sicut ipsi ad hanc horam possiderunt et tenuerunt, tenent et possident, et ipsorum progenitores ante ipsos tenuerunt et possederunt, sive sint a nobis vel a nostris antecessoribus, et ecclesia Coloniensi ipsis contradicta vel non; item pro dampnis, eidem comiti et suis hominibus per Nos et nostros homines illatis indebite solvemus ipsi comiti, vel suis heredibus, duodecim millia marcarum Colouiensium denariorum bonorum et legalium, duodecim solidis pro marca qualibet computandis, de quibus solvemus mille marcas infra tres menses, postquam fuerimus vinculis emancipati, liberati et absoluti, et infra tres menses alios continuos, ex tunc proximo subsequentes, mille marcas monetae praedtctae
| |
| |
persolvemus. Item oppidum nostrum Tuiciense et officium villicationis ejusdem, cum universis juribus, redditibus, censibus et proventibus, prout ad Nos el ecclesiam Coloniensem spectant, excepta curte nostra cum agris et suis attinentiis ibidem, quam capitulo nostro Coloniensi in restaurum molendini ipsius pendentis in Reno deputavimus et obligavimus, ipsi comes et sui heredes ad decem annos, pro mille marcis monetae praedictae pacifice possidebunt; et quolibet anno centum marcas defalcabunt, in exsolutionem millae marcarum praedictarum, quibus decem annis elapsis, ipsum oppidum cum unversis juribus suis ad Nos et ecclesiam Coloniensem libere revertetur, salvo ipsi comiti et suis heredibus omni jure suo prius habito in oppido praedicto. Hoc etiam adjecto, quod idem comes et sui heredes, scabinos et homines dicti oppidi, in suis juribus et liberlatibus tenebunt, fovebunt et conservabunt, sine exactionis extorsione medio tempore, sicut Nos et antecessores nostri tenuimus et servavimus, tenuerunt et servaverunt. De novem vero millibus marcarum residuis solvemus eidem comiti, aut suis heredibus, annis singulis, primos sex menses praedictos subsequentibus, mille et trecentas marcas monetae praedictae, de thelonio cervisiae et redditibus molendinorum nostrorum Coloniensium, vel aliis nostris redditibus ubicumque, quousque dicta novem millia marcorum fuerint a nobis, vel a nostris successoribus aut ecclesia Coloniensi, integraliter persoluta, et recepta; de summa praedicta idem comes et sui heredes defalcabunt et recognitionem de receptis per suas patentes litteras idem comes, vel sui heredes nobis, successoribus nostris vel ecclesiae Coloniensi facient singulis annis. Ad majorem etiam securitatem et ut ipsi comiti et suis heredibus id ratum servetur, per Nos, successores nostros, et ecclesiam Coloniensem, si forte Nos, vel successores nostri, vel ecclesia Coloniensis, in solutione novem millium marcarum praedictarum suis terminis ad hoc deputatis, negligentes
inveniremur vel remissi, castra ecclesiae nostrae Wede, Waldenberg, Rodenberg, et Aspele eidem comiti, titulo pignoris, obligamus; quae castra idem comes, cum turribus et portis, sub expensis nostris, successorum nostrorum et ecclesiae Coloniensis, pro omni sua voluntate et utilitate tenebit et conservabit, secundum conditiones antedictas et infrascriptas, hoc adjecto, quod si Nos, vel successores nostri, vel ecclesia Coloniensis, dictas mille et trecentas marcas singulis annis, terminis ad hoc statutis, ut est praemissum, non persolverimus, extunc ipse comes, vel sui heredes, de omnibus redditibus, juribus, proventibus, jurisdictionibus, et universis attinentiis dictorum castrorum, se intromittent, et intromittere poterunt, et sine aliqua contradictione nostra, et impedimento nostro, vel successorum nostrorum et ecclesia Coloniensis, pacifice et quiete possidebunt, tam diu, donec ipsi comiti vel suis heredibus super defectu pecuniae, suo termino vel suis terminis non solutae, ad bonam et legitimam computationem fuerit satisfactum. Recepta etiam et recipienda de redditibus et proventibus dictorum castrorum, quam diu hujusmodi dejectus suppletus non fuerit, non debent defalcari de summa antedicta, nec in sortem computari, defectu autem hujusmodi suppleto Nos, vel successores nostri, aut ecclesia Coloniensis, iterum libere intromittimus, intromittent et intromittere poterunt de jurisdictionibus, redditibus et proventibus castrorum praedictorum, sine contradictione et impedimento dicti comitis, vel heredum suorum, secundum conditiones antedictas. Et quam primum quarta pars praedictarum novem millium marcarum eidem comiti, vel suis heredibus, a nobis, vel successoribus nostris, vel ecclesia Coloniensi fuerit persoluta, idem comes vel sui heredes unum de castris praedictis, quod voluerit, vel voluerint, nobis, vel successoribus nostris, vel ecclesiae Coloniensi reddere et restituere debent et tenebuntur; et sic fiet proportionaliter de castris eidem comiti obligatis.
Quandocunque vero ipsi comiti, vel suis heredibus, de praefalis novem millibus marcarum fuerit integraliter satisfactum, idem comes vel sui heredes tenebuntur reassignare et restituere castra praedicta omnia, in manus nostras, successorum nostrorum vel ecclesiae Coloniensis, absque quo- | |
| |
libet impedimento et contradictio, nec ex aliqua causa alia, dicta pecunia persoluta, dicta castra poterunt et debent retinere, super quo idem comes et fratres sui nobis, et ecclesiae Coloniensi securitatem praestiterunt. Si vero, quod absit, aliquod castrorum praedictorum per seditionem vel alium casum fortuitum amitti contigerit, Nos archiepiscopus, successor noster, et ecclesia Coloniensis, una cum nobilibus viris Adolpho de Monte et Everardo de Marka, comitibus, ac Henrico domino de Windecge, expensis communibus recuperabimus, et reacquiremus, et non cessabimus, quousque castrum amissum recuperatum fuerit et reacquisitum; castrenses etiam dictorum castrorum et custodes ipsi comiti fidelitatem, sub debito praestiti juramenti, facient de castris praedictis, quae durabit usque ad integram solutionem pecuniae antedictae. Item Nos archiepiseopus bona ducatus Lymburgensis, quae debent recipi et teneri a nobis in feodo, prout descendunt a nobis et ecclesia Coloniensi, absque quolibet impedimento nostro, et extraditione nostra, pront ad Nos, successores nostros, et ecclesiam Coloniensem pertinet, et pertinere poterit, concedemus et porrigemus cuicunque idem comes de Monte dixerit, et jusserit, seu volucrit per suas patentes litteras, sive per vive vocis oraculum porrigi seu concedi, salvis et reservatis nobis et ecclesiae Coloniensi conventionibus, et juramentis factis et initis per Nos cum nobili viro Reynaldo, comite Gelriae, super castro Wassinberg et attinentiis ipsius, pro certa summa pecuniae nobis et ecclesiae Coloniensi obligatis. Item promittimus quod Nos Adolphum et dictum Puyts, fratres de Stamheym, Paginum de Hemberg, et Henricum de Ossendorp, milites, Johannem
dictum Longum, et dictum Kikepot, Adolphum de Ralchusen, Sibodonem de Buschenburg, et eorum adjutores quoscunque in aliquibus nostris munitionibus et castris non fovebimus, nec tenebimus, contra ipsum comitem de Monte, nec contra ejus adjutores, videlicet nobiles viros, fideles nostros
Everardum comitem de Marka, Henricum comitem de Virnenburg, et ejus liberos, Henricum de Monte dominum de Windecge, Hermannum dominum de Thoneburg, Johannem dominum de Ryferscheyth, et Jacobum de Uphoven, Engelbertum dictum Ruselpaffe, et eorum adjutores quoscunque, nec eisdem infra diocesim Coloniensem vel extra, contra comitem de Monte et suos adjutores praedictos auxilium impendemus, omni dolo et fraude penitus exclusis. Item promittimus, quod nullam supra Renum in una parte Reni, vel in alia parte Reni, a flumine quod Sege dicitur, usque ad flumen quod Angera dicitur, inter stratam communem et Renum, et specialiter a loco Vulen juxta villam Ryncassele, usque Berge, retro villam Wurrinc, et a Berge usque villam Durremagen, et a villa Durremagen ultra, prout dicta strata infra terminos praedictos se protendit, nec alibi in terra et districtu ipsius comitis de Monte, munitionem vel castrum faciemus, vel aedincabimus, absque voluntate comitis memorali. Item condictum est et actum, quod nullus laicus alium laicum, de terra comitis praedicti, citare vel in causam trahere debet, auctoritate nostra, aut officialis nostri pro tempore existentis, seu archidyaconi cujuscunque, super hiis quae spectant ad jus civile et forum secularem; quod si factum fuerit, id revocabimus, per nostras liLteras super hoc requisiti; et si sententia excommunicationis lata fuerit in aliquem vel aliquos de terra comitis de Monte praedicti, occasione mutui crediti seu venditi, ad instantiam clericorum seu laicorum, propter hoc in parochia seu parochiis excommunicati, seu excommunicatorum, divina non debent interdici, sed reus seu rei alias pro modo culpae punientur, nisi excommunicati in sua pertinacia permanentes in excommunicationis summa duraverint per annum et diem, salvis tamen statutis ecclesiae Coloniensis pro libertate ecclesiasticarum personarum, et ecclesiarum factis et editis. Item sacerdotibus et clericis aliis, qui post interdictum si quod a nobis latum fuit, in terras comitum de
Monte et de Marka et Henrici de Monte domini de Windecge praedictorum, divina celebraverunt ibidem, praaetextu appellationis pro ipsis ad sedem apostolicam ab audientia nostra interpositi, et illis sacerdotibus et clericis, qui
| |
| |
celebraverunt divina in loco captivitatis nostrae, praesente vel absente ipso comite de Monte, vel etiam alibi ubicunque eodem comite praesente, nullam culpam imponemus seu gravamen aliquod inferemus, nec ipsos super eo de cetero impetemus. Relaxationes vero sententiarum excomtnunicationis in personas dictorum nobilium, et interdicti in loca et terras eorundem factas et datas, auctoritate apostolica per dilectum in Christo Conradum praepositum Colonieusem ratas habemus et habebimus in futurum. Item sententias interdicti, ubicunque in terras dictorum nobilium latas, auctoritate nostra ex quacunque causa, relaxamus in hiis scriptis. Item omnibus dissensionibus, rancoribus et inimicitiis, inter Nos archiepiscopum ex una par te, et ipsum comitem de Monte ac Henricum de Monte dominum de Windecge, ejus fratrem, et alios eorundem adjutores quoscunque, ex altera, tam de occisis in conflictu apud Wurrinc, et alibi ubicunque, captivis, exactionatis incendiis, dampnis et rapinis, quam etiam de destructionibus castrorum, oppidorum et villarum, et specialiter occasione captivitatis nostrae, exortis et habitis, et quicquid ex eis secutum est, per Nos, pro nobis, nostris consanguineis, amicis, vasallis et ministerialibus, quorum posse habemus, et vice versa per ipsos comitem de Monte et Henricum dominum de Windecge praedictos, pro ipsi ac eorum adjutoribus, consanguineis, amicis, vasallis et ministerialibus, quorum posse habent, est renunciatum, hinc et inde, pure, simpliciter et spontanea voluntate, nee de cetero Nos, successores nostri seu ecclesia Coloniensis, nec nostri adjutores, consanguinei, amici, vasalli et ministeriales, quorum posse habemus, nec ipsi comes de Monte, nec frater ejus, nee eorum adjutores consanguinei, amici, vasalli et ministeriales, quorum posse habent, aliquam impetitionem vel vindictam faciemus seu facient super praemissis, nec contra praemissa, seu aliquod praemissorum veniemus, nec ipsi venient, omni dolo et fraude penitus exclusis. Ita
tamen quod per hujusmodi renunciationem et urvedam generalem nobis, successoribus nostris, et ecclesiae Coloniensi, contra Walramum de Juliaco praepositum Aquensem, et civitatem Coloniensem, adjutores dictorum comitis de Monte et Henrici domini de Windecge, fratris sui, et vice versa, ipsis Walramo praeposito Aquensi et civitati Coloniensi, contra Nos, successores nostros et ecclesiam Coloniensem, in nostris et ipsorum juribus, privilegiis, bonis et redditibus, ablatis per ipsos cives et civitatem infra civitatem Coloniensem, post conflictum apud Wurrinc habitum, et per ipsum praepositum Aquensem, in terra sua et alias ubicunque et quandocunque, ante et post conflictum praedictum, prejudicium nullum generetur. Item si dictam compositionem, quod absit, et ordinationem amicabilem infringeremus, in toto vel in parte, eligimus et arbitramur, quod nec praelati nec capitulum majoris, nec capitula aliarum ecclesiarum civitatis et diocesis Coloniensis, nec nobiles, nec vasalli, nec ministeriales, nec oppida ecclesiae Coloniensis contra praemissa nobis aliquod auxilium vel juvamen praestabunt, victualia ministranda, vel alio quoquomodo. Et Nos archiepiscopus, omnia et singula praemissa vera esse profitentes, ad observationem dictae compositionis et amicabilis ordinationis pro nobis, et nostris adjutoribus quibuscunque, de quibus posse habemus, super hiis tactis sacrosanctis corporaliter juramento a nobis praestito, Nos firmiter obligamus per praesentes; promittentes, sub eodem juramento, quod contra praemissa in toto vel in parte, nullas litteras a sede apostolica, seu legatis ipsius, impetrabimus seu procurabimus impetrari. Sigilla nostrum, et ecclesiae Coloniensis, et dilectorum in Christo Conradi praepositi, Theoderici decani majoris, Werneri praepositi sancti Gereonis ejusdem majoris canonici, Johannis choriepiscopi, Wicholdi scolastici dictae majoris, et aliorum praelatorum ecclesiarum et monasteriorum civitatis et diocesis, ac oppidorum ecclesiae Coloniensis, quorum
copia commode haberi poterat, ex certa nostra scientia et ad petitionem nostram in testimonium praesentibus sunt appensa. Et Nos Conradus praepositus, Theodericus decanus majoris, Wernerus praepositus sancti Gereonis, Johannes choriepiscopus, Wicholdus
| |
| |
scolastieus ejusdem majoris, ceterique praelati et capitula ecclesiarum et monasteriorum civitatis et diocesis, ac oppida ecclesiae Coloniensis, quorum sigilla hiis litteris sunt appensa, ipsa sigilla nostra ad petitionem reverendi patris et domini nostri Sifridi Coloniensis archiepiseopi praedicti in testimonium apposuimus huic scripto. Nos vero praelati et capitula ecclesiarum et monasteriorum praedictorum protestamur, quod nolimus per hujusmodi sigillorum appensionem, quo ad ea quae Nobis sunt ablata per Walramum praepositum Aquensem et suos, et repetionem eorundem ablatorum nobis praejudicium aliquod generari. Et Nos Adolphus comes de Monte et Henricus dominus de Windecge praedicti, omnia et singula praemissa vera esse profitentes et urvedam ac renunciationes prout superius est expressum facientes, ad observationem dictae compositionis amicabilis et omnium praemissorum, prout unumquemque nostrum seu aliquem ex nobis contingit, pro nobis et nostris adjutoribus quibuscunque, de quibus posse habemus, promittentes nihilominus quod contra praemissa, vel aliquod praemissorum non veniemus in posterum, in toto vel in parte, nec de cetero Nos et heredes nostri adjutores, consanguinei, amici, vasalli et ministeriales nostri, quorum posse habemus, aliquam impetitionem vel vindictam faciemus, vel facient de praemissis, omni dolo et fraude penitus exclusis. Super hiis tactis sacrosanctis a nobis corporaliter, interpositis juramentis, Nos obligamus in hiis scriptis sigilla nostra in testimonium praesentibus litteris ex certa nostra scientia appendentes. Datum anno Domini millo CCo octuagesimo nono, in die ascensionis Domini.
L'original, muni de trente-deus sceaux, au dépôt royal des archives à Dusseldorf.
|
|
Auteursrechtvrij