Rymkronyk van Jan van Heelu betreffende den slag van Woeringen van het jaer 1288

CX. 24 octobre 1288.

Lettres de Jean, duo de Brabant, par lesquells il nomme pour son arbitre Guillaume, évêque de Gambrai, afin de prononcer sur les débats au sujet du Limbourg¹.

Nous Jehans, par le grace de Diu, dus de Lother et de Brabant, faisons à savoir à tous ceaus ki ces presentes lettres verront et oront, ke de tous le debas et de le werre et de tous contens, ki ont estei et sont; encore entre Nous, les nos, nos aidans et nos alloiés², d'une part, et Renau conte de Gelre, les siens, ses aidans et ses aloiés, d'autre part, pour le raison u l'ocoison dele duchié de Lembourch, et de toutes les avenues, ki pour celi chose avenues sont, Nos sommes mis et metons de haut et de bas u dit et en l'ordonance de reverent pere Guillaume, par le grace Diu eveske de Cambray, no chier couzin, et avons enconvent loament et en bone foi, ke Nous tenrons et ferons tenir de Nous, de nos, et de nos aidans et alloiés, ce k'il en dira et ordenera des choses devant dites, à une ibis u à pluiseurs. Et de ceste chose li avons Nous encor enconvent, ke Nous l'en ferons teil segurtei, ki li suffira, pour tont son dit et sen ordenance faire fermement tenir, et de ceste chose, la queil Nous avons faite par le conseaus de reverent pere nostre chier segneur et frere Jehan par le grace Diu eveske de Liege, nostre chiere couzin mon segneur Philippe d'Artois, Godefroi de Brabant nostre chier frere, Nicholon de Gondeit segneur de Bailluel et de Moriameis, et mon segneur Gile Bertaut, chevaliers, et plusieurs autres de nos autres amis, et foiables, pr-

1 Ce diplóma et les documens qui suivent, jusques et y compris le n^o CXXIII, ont été imprimés duns les Gedenkwaardigheden uit de geschiedenis van Gelderland, de M. Nyroff.

2 Alloiés, alliés.

[p. 468]

metons Nous loament à tenir et faire tenir par nos aidans et nos aloiés toutes les choses desus dites, tout si com il le dira et l'ordenera. En tesmongnage de ces choses Nous avons ceste lettre saellée de nostre sael. Et Nous Jehans, par le grace Diu eveskes de Liege devant dis, Nous Philippes d'Artois, nous Godefrois de Brabant, freres au duc devant dit, Nous Nicholes de Condeit sires de Moriameis, et Nous Giles Bertauts devantdit, à la requeste le duc devant nommei, avons enconvent au devantdit eveske de Cambrai, ke toutes ces choses devantdites et du duc promises Nous li ferons tenir entirement, du duc devantdit, par le tesmong de nos saeaus pendus à ces presens lettres, ki furent dounées en l'an de le incarnation Nostre Segueur Mil. CC. quatrevins et wit, le dimence devant le feste saint Symon et saint Jude. Le suprascription et metons approvons. Donnei si com devant, et devant ke nostre sael i fuissent mis.

L'original, muni de six sceaux, aux archives de Gueldre.