Rymkronyk van Jan van Heelu betreffende den slag van Woeringen van het jaer 1288

LXXXII. 16 avril 1287.

Lettres de Jean, évêque de Liége, par lesquelles il s'oblige de payer au duc de Brabant 10000 livres petit tournois, s'il n'exécute pas ce qui a été convenu entre eux.

Nous Jehans par la grace de Dieu, eveskes de Liege, faisons savoir à tous, ke comme ensi soit ke Nous ayens fait convenances et aliances à noble homme nostre tresehier frere et foiable Jehan, par cele meisme grace duc de Lothricke et de Brebant, par no sairement et nos lettres sour ce données et saielées de nostre saiel, et des saials del chapitele saint Lambert de Liege, des chevaliers plusieurs, et autres nos hommes, et des bonnes villes de nostre terre, as quelles convensances tenir fermement et wardeir, sans venir encontre, Nous nos obligons par ces presentes lettres, ce ke es dites lettres est contenuit, sour paine de dis mille livres de petis noir tournois, u le vaillant, as quels dis mille livres devant dittes Nous nos obligons par ces presentes lettres à payer et à rendre au dit Duc, se Nous de riens u en nulle maniere aliens encontre ce ke contenut est es lettres devant dites, faites sour les dites convenances. Et consentons et à ce obligons tous nos biens propres, meubles et uonmeubles, à prendre et à leveir⁴ par le devant dit duc u par son certain commant,

4 Leveir, lever, saisir.

[p. 452]

par tout u k'il seroient troveit, jusques à le somme des dites dis milles livres, sans rien meffaire encontre Nous. Et renonchons tant ke à che, à tout excommuniement et d'autre force de sainte eglyse, ki Nous porroit aidier et lui greveir. En teigmoignage de la quele chose, Nous avons fait metre nostre saiel à ces presentes lettres, donnàes l'an de grace, mil deus eens LXXX et sept, le mercredi apres les closes paskes.

Cartulaires des ducs de Brabant, B, fol. 21, verso.