Rymkronyk van Jan van Heelu betreffende den slag van Woeringen van het jaer 1288

LXXXI. 15 avril 1287.

Alliance entre le duc de Brabant et l'évêque de Liége.

Al nom du Pere et du Fil et du Saint Esperit, Amen. Nous Jehans, par le grace Diu eveskes de Liege, faisons à savoir à tous cheaus qui ces presentes lettres verront et orront, ke pour bien de pais et d'amour de Nous et de nostre terre, et par nostre conseil, et du conseil de pluseurs autres preudoumes, avons faites convenances et alliances à nostre chier frere et feable Jehan, par celi meisme grace duc de Lothricke et de Brebant, à wardeir et à tenir toutte no vie, en le fourme et en le maniere ke ci apres est contenue.

C'est à savoir premierement, ke Nous devons avoir un homme especial, entre nostre autre conseil, de par le devantdit duc, qui sera de nostre conseil serrementeis, et dou conseal le duc ausi; et doit estre li devantdis conseillieres, dou plus k'il pora, en bone maniere avoec Nous, et a celui Nous nos devons conseillier¹ des besoignes temporées de nostre terre, presens et à venir, en bonne foi. Et se Nous aviens marescaut, bailliu, chastelain, ou sergant, ou autre, en no service, quelles ke il fuist, ki vosist faire debat, besten¹, descort, malepais, ou portast damage entre Nous et nostre chier frere le duc devantdis, li devant dit conseillieres jureis le doit mons-

1 Nous devons prendre conseil.

1 Besten, contention.

[p. 450]

treir à Nous; et se Nous trovons qu'il soit ensi, Nous le devons osteir; et se Nous ne l'ostions, pour tant ke il ne Nous sanlast¹ mie estre ensi, ke li conseilliers Nous aroit donnei à entendre, Nous etli dus devriens venir ensemble, et Nous en devriens acordeir. En apres, li devantdis dus Nous a enconvent à pourcachier, et de travillier en bonne maniere, à son loial pooir, ke li chapitres de saint Lambeirt, de Liege, consentée et grée ke Nous puissiens pourcacier fin² d'emprunteir wit mil livres parisis sur les biens temporeis de nostre eveschei, à paier à wit ans, cescun an mil livres, et quant li chapitres l'ara greé et consenti, li dus Nous doit querre et aidier querre, par lui et par ses gens, le fin de ces wit mil livres, si com pour lui meisme, loiament et en bonne foi, sans lui greveir de son heretage. Encore Nous a li dus enconvent à pourcachir sept mil livres parisis, en bonne foi, loiament, si com pour lui meisme, et sans lui greveir, si com dit est devant, et si avant ke Nous l'en porons faire segur³, et se nous aviens mestir⁴ fin, outre che ke dit est, il Nous a enconvent à aidier loiament et en honne foi, à son pooir, sans lui greveir de son heretage, si com dit est. Et touttes ces fins nous a li dus devantdis enconvent à pourcachir, à mains de frais et de coustenges k'il pora, si com pour lui meisme, sauf ce ke Nous l'en feissiens segur; et s'il avenoit ke li dit dus eust coust ou damages pour faute de nostre assenement, ou de nostre aquitance, de ce dont il aroit finei pour Nous, Nous li seriens tenus de rendre et de restoreir, par son bon dit, plainement. Et s'ensi estoit, ke Nous peussiens hasteir le paiement des deniers, dont li dus aroit finei pour Nous, faire le devons en bonne maniere, soit à nos rentes, ou à nos escheances, ou as avenues de no terre.

Apres, li dus Nous a enconvent, ke se Nous aviens mestir de gens d'armes, pour faire aucune chevauchie, et Nous li requisissiens, ou feissiens requerre, il Nous devroit aidier de deus cens armures de fer, de bonne gens, à nos frais et à nos despens, touttes fois ke Nous l'en requerriens; et tout auteit li sommes Nous tenus de faire; et se Nous aviens mestir de plus des gens, il Nous devroit aidier, à no requeste, de chinc cens armures de fer, à no cous et à no frais, de bonnes gens d'armes, et ce meisme sommes Nous tenus de faire envers lui. Et est à savoir, ke par ce, Nous, en nostre propre personne, Nous ne li dus aussi, ne sommes tenu d'aleir en ces chevaucies, se Nous ne le vosissiens fairs de no grei. Et est acordei, ke pour convenances ke Nous aiens à duc, ne il à Nous, Nous ne li devons aidier contre nostre chier pere, le conte de Flandres, ne contre nul de no freres, en cas ki monte à leur heretage; mais se no chiers peres, li cuens de Flandres, ou aucuns de no freres, se mellast de besoigne ki leur propre ue fust, et le feissent pour autrui aidier, pour che ne devriens mie le duc laissier à aidier, si com devant est escript. Encore est acordei k'en tous cas, et en contre tous hommes, devons Nous li duc aidier à defendre se terre et sen heretage: et il Nous doit aussi aidier le nostre terre à defendre, en tous cas, contre tous hommes. Et est contenut, ke pour aide ke Nous doiens faire au duc, ne no gens, Nous ne devons aleir sur fief contiengue, ki mueuve de Nous, ne li dus ne ses gens aussi, pour aide qu'il Nous doivent faire.

En apres il est acordei entre Nous et li duc, ke de tous debas, quel qu'il soient, ancien, nouviel ou à venir, seront terminei et acordei parmi les deus conseilleurs jureis, d'une part et d'autre; et cil par leur serremens, en bonne foi, les doivent termineir et hasteir; et s'il se descordoient, li sires de Bailluel seroit tierch, et devroit estre tenus ses dis avec celui à qni il s'acorderoit et tenroil.

Apres, Nous avons enconvent, ke Nous ne recheverons, ne souferons à rechevoir nulle des gens

1 Sanlast, semblât.

2 Fin, finance

3 Segur, garantie.

4 Mestir, besoia

[p. 451]

le duc à bourgois¹, en nos bourgesies; ne li dus aussi ne recevera, ne souffera à recevoir, nulle de nos gens en sienes bourgesies, s'il n'est ainsi k'il veulent demoreir et arresteir en ses francises. Encore Nous avons enconvent ke Nous n'aquerrons nuls des fies contiegue dou duc², sans son grei; s'ensi n'estoit, ke Nous le peussiens faire par droit et par loi: ne il aussi ne peut aquerre fief contiegu de Nous, s'il n'estoit ensi comme il est devant escript.

Et touttes ches coses et ces convenances deseure escrites avons Nous enconvent fermement à wardeir et à tenir par no foi, corporeement creantée³. Et pour ce ke ce soit ferme chose et estavle, Nous avons ces lettres presentes saellées de nostre propere sael, ki furent faites et données en l'an dele incarnation nostre Seigneur M CC quatrevins et sept, le mardi apres le close Paske.

Cartulaire des dues de Brabant, B, fol. 68, recto.

1 Des gens du duc, comme bourgeois.

2 Des fiefs attenant les terres du duc.

3 Corporeement creatée, affirmée sous serment