Rymkronyk van Jan van Heelu betreffende den slag van Woeringen van het jaer 1288

LXX. 5 juillet 1286.

Lettres de Renaud, comte de Gueldre, par lesquelles il met à la décision de Henri, seigneur de Blamont, et de Henri, seigneur de Burkelo, les différends qu'il a avec Waleran de Luxembourg, au sujet des dépenses que celui-ci prétendait avoir faites dans le Limbourg.

Nous Renauls, cuens de Guelre et dux de Lembourg, faisons savoir à tous, que comme il eust descort entre Nous d'une part, et noble home nostre chier fyable mon signeur Wallerant de Luxembourg, signeur de Liny, d'autre part, si comme de plegeries, de frais et de coustenges, qu'il avoit fais en la terre de Lembourg, et de pluseurs autres choses, lesqueils il Nous demandoit, et disoit que Nous estiens tenus envers lui, et Nous disiens encontre que Nous n'estiens, ains estoit il tenus à Nous en pluseurs choses, pour aucunes raisons que Nous voliens monstreir par lettres et autrement, Nous a darrains, par le couseil de bones gens de tout ce qu'il avoit à faire à Nous, et Nous à lui jusques jour que ceste lettre fut faite, Nous nous en sommes mis sor noble home Henri, signeur de-Blanmont, et sor mon signeur Henri, signeur de Burkelot, chevaliers, en teil maniere, que nos raisons et les sienes oies d'une part et d'autre, ce que il dui ensemble par comun acort en diron et ordeneront, Nous prometons à tenir et à wardeir fermement; et se il ne se pooient acordeir ensemble ils doivent le debat raporteir à noble home nostre chier signeur Guion, conte de Flaudres et marchis de Namur, et à noble home nostre chiere dame Ysabel, contesse de

[p. 441]

Flandres sa fame, en teil meniere que se messires de Flandre et madame la contesse dessus dit i pooient estre ambedui ensemble, Nous les en devons et prometons à croire et à tout ce qu'il en-ordeneront et diront en bone foi, de haut et de bas; et se messires et madame de Flandres dessus dit n'i pooient estre andui ensemble, Nous en devons et prometons à croire celui d'eaux deus, qui estre u pourroit, de tout ce qu'il en dira ou ordenera de haut et de bas; et s'il avenoit que li devant dit disent pour commun acort, ou li euens et la contesse devant dit, ou li unz d'aux advisassent encontre Nous, ou sor Nous au devantdit mon signeur Wallerant, aucune somme de deniers à paier à lui, Nous volons, gréons et otroions que teil somme de deniers, comme il adviserient li devant dis cuens de Flandres pait et delivre au devantdit Wallerant, pour Nous et en nostre nom, de ce que li dis cuens Nous doit dou premier paiement, pour le mariage de nostre chiere fame Marguerite sa fille, se cils premiers paiemens se puet à ce estendre apres les autres assenemens, que Nous avons fait avant par nos lettres sor le premier paiement devant dit, et s'il i avoit aucune deffaute en tout ou en partie par coi li dis premiers paiemens ni poist souffire, nous volons et octroions que toute ladite deffaute li pait li dis cuens de Flandres, dou darrien paiement qu'il Nous doit pour le devantdit mariage, et de tant come li dis cuens l'en paieroit pour Nous, dont il ara lettres de aquittance et de paiement doudit Wallerant, Nous clamons quitte le conte devant dit, et volons et otroions que ce soit rabatu des devant dis paiemens, que li dis cuens nous doit, et clamons quitte le devant dit conte, lui et les siens, de tant comme à cest paiement apartient et apartenra, par le tesmoignage de ces presentes lettres, saellées de nostre sael, qui furent faites et données l'an del incarnation Nostre Signeur mil deus cens et quatre vins et six, le venredi apres la feste saint Pierre et saint Paul apostles.

L'original au dépôt des archives, à lille.