Rymkronyk van Jan van Heelu betreffende den slag van Woeringen van het jaer 1288

LXI. 6 mars 1285.

Lettres de Gérard de Luxembourg, sire de Durbuy, par lesquelles il s'oblige de servir le duc de Brabant en Aragon, moyennant 3500 livres tournois.

A tous ceaus ki ces presentes lettres verront et orront, Gerars de Lucelbourch, sires de Duerbuy, salus et cognoistre veriteit. Ke com nos chirs sires, li dus de Brabant, Nous ait enconvent à donneir trois mille et chinc cens livres tournois, à paier à certains termines, contenus en ses lettres, ke Nous avous de lui sur ce, et pour tant Nous doiens aleir avoec lui en Arragonne, et soiens tenus de lui servir en ce voiage, Nous chinquime de chivaliers: Nous connissons ke, se il Nous convenoit ariere retourner de ce voiage, ou pour pais ou pour autre ocquoison, avant ke l'année fust accomplie, no chirs sires li dus Nous seroit tenus de paier, de la somme devantdite, al avenant dou tens ke Nous l'ariens servi; et par tant Nous no devriens tenir et Nous tenriens à paié; et se Nous aviens la somme de deniers devantdite entierement rechuite, et il convenist dou voiage retourner, si com devant est dit, avant che ke l'année fuist acomplie, Nous serieus temis de rendre ariere à nostre signeur le duc devantdit, de le dite somme de deniers, al avenant dou tens ke Nous ne l'ariens mie servi, et, toutdis sans boisdie¹, il Nous devroit paier, al avenant dou temps ke Nous l'ariens servi; et Nous, remettre ariere à lui, se Nous aviens trop recheut, à rewart² dou tens aussi de nostre service. En tesmoignage de nos lettres presentes, saellées de nostre sael. Donné en l'an del incarnation Nostre Signeur mil deu cens quatrevins et quattre, le mardi apres mi quaremme.

Cartulaire des ducs de Brabant, B, fol. 117, recto

1 Boisdie, fraude

2 A rewart, en considération, en regard.