Rymkronyk van Jan van Heelu betreffende den slag van Woeringen van het jaer 1288

LX. 1^er mars 1285.

Lettres de Rases, sire de Gavre, par lesquelles il s'oblige de servir le duc de Brabant dans son voyage en Aragon, moyennant trois mille livres tournois.

A tous ceaus ki ces presentes lettres verront et orront, Rases, sire de Gavre, salus et cognoistre veriteit. Je fais à savoir à tous, ke je doi aleir avoec me chier seigneur le duc de Brebant, et lui servir une année, mi chincquime de chivaliers, en ce voiage d'Aragonne, parmi une somme de trois mil livres tournois, k'il me doit donner, sil com il est contenu en ses lettres overtes, ke j'ai de lui; et doit entreir l'année à le paske prochain à venir; et s'il aveuoit k'il convenist retourneir de ce voiage avant ke l'année fiust acomplie, me sires li dus me doit paiier al avenant dou termine ke je l'aroie servi, et par tant je me devroie tenir à paiés. Et se j'avoie rechuit les trois mil livres devantdites entierement, et il convenist ariere retourneir, avant ce ke l'année fuist acomplie, si com deseure est dit, je seroie tenus de rendre à mon signeur le duc, de le somme devantdite, à la montant dou tens ke je ne l'aroie mie servi. En apres, s'il fuist ensi ke je, ou aucuns de mes compaignons, cuissiens songne² loiaus, par quoi nous ne peussons faire le service si com dit est, je devroie mettre pour mi et pour mes compaignons faire mettre personnes souffissans chivaliers, ki le feroient pour nous, et de par nous plainement, si com il est deseure escript. En teismoignage de mes lettres

2 Euissieins sungne, eussions empéchement.

[p. 435]

presentes, saellées de mon sael. Donné en l'an dele incarnation Nostre Signeur inil deus cens quattre vins et quattre, le juesdi devant mi quaremme.

Cartulaire des ducs de Brabant, B, fol. 116, verso.