Rymkronyk van Jan van Heelu betreffende den slag van Woeringen van het jaer 1288

LVI. 16 août 1284.

Lettres de Renaud, comte de Gueldre, par lesquelles il s'engage d'assister l'archevêque de Cologne, contre le duc de Brabant et ses adhérens.

Nos Reynaldus, comes Gelrensis, dux Lymburgensis, notum esse cupimus universis, quod Nos,

[p. 432]

cum reverendo patre domino nostro Sifrido, sanctae Coloniensis ecclesiae archiepiscopo, sacri imperii per Italiam archicancellario, specialis foederia inivimus unionem. Ita, videlicet, quod Nos eundem dominum nostrum archiepiscopum, juvabimus et eidem assistemus contra quoscunque suos inimicos, et specialiter contra nobiles viros dominum Johannem, Brabantiae ducem, Adolphum comitem de Monte, et Henricum de Wendekhe, fratrem suum, ac Everardum comitem de Marca, potenter et patenter, toto posse nostro et sub expensis nostris, quoad vixerimus, quandocunque et quotienscunque idem archiepiscopus hos duxerit requirendos, domino nostro Romanorum rege duntaxat excepto. Inter Nos etiam est condictum, quod si eundem dominum nostrum guerram contra nostros consanguineos, nobis in secundo vel in tertio gradu conjunctos, habere contingent, Nos eidem in defensione terrae suae assistemus, ut superius est expressum. Verum, si idem dominus noster auxilium contra aliquem de consanguineis nostris praedictis, ad intrandum terram dicti consanguinei nostri requisierit, et voluerit habere, tunc ex condicto speciali posse habebimus a domino nostro archiepiscopo cognoscendi et dicendi jus inter ipsos, et tenebuntur stare dicto nostro, hinc inde. Quod si aliquis de consanguineis nostris praedictis acquiescere nollet, et dicto nostro stare recusaret, ipsum dominum nostrum archiepiscopum juvabimus et eidem assistemus contra nostros consanguineos praedictos, intrando terras eorum et districtus cum domino nostro archiepiscopo memorato. Super quo praesens scriptum eidem dedimus sigillo nostro communitum, et simde recepimus ab eodem sub eadem forma.

Actum et datum apud Vennebrucke, anno Domini M^o CC^o LXXX quarto, in crastino assumptionis beatae Mariae Virginis.

Aux archives de Cologne, Farrago Gelanii, tom. II, fol. 119, verso.