Rymkronyk van Jan van Heelu betreffende den slag van Woeringen van het jaer 1288

LV. 18 juillet 1284.

Lettres de Gui, comte de Flandre, et de Jean ďAvesnes, comte de Hainaut, par lesquelles ils prononcent comme arbitres sur la possession du Limbourg.

Nous Guis, cuens de Flandres et marchis de Namur, et Jehans de Avesnes, cuens de Haynnau, faisons savoir à tous, ke comme grans debas et grans contens fust et eust esté entre nobles homes Jehan, par le grasce de Deu duc de Lothers et de Braibant d'une part, et Renaut, conte de Ghelre et duc de Lembourg d'autre part, sour chei ke li cuens de Ghelre devant dis disoit qu'il devoit teuir le duchée de Lembourg tout le cours de se vie, et li dus de Braibant disoit ke li cuens de Ghelre

[p. 431]

ne devoit mie tenir le dite duchée, ains auferoit à lui duc de Braibant le dite duchées si comme il disoit, et sour chei et pour chei graus guerres et grent besteng¹ eussent esté et lussent entre iauls, les parties devant dites alé pardefin par le conseil de mout de preudomes por bien de pais, et por esciveir les maux apparans, se sont mis sor Nous de tous les debas des contens et des guerres devant dites, et ont enconvenent loialment et en bone foi, et par leur sens franchies, li dis dus por lui et por ses hoirs, et li cuens devant només por lui et por ses hoirs aussi, qu'il tenront et emploiront et feront quanke Nous dirons et ordenerons, de haut et de bas, des contens, des descors et des guerres devant dites, et Nous, par le requeste de preudomes et por bien de pais qui avons ces compromis et ces chozes prises sour Nous, enquis et seu par preudomes et par bones gens les raisous des parties devant dites, par le conseil de bones gens, et par grant avit et grant deliberation, disons et raportons en no dit et no ordenance: ke li cuens de Ghelre devant dis doit tenir le duchame de Lembourg tout le cours de se vie, en tel maniere com il le fu tenant au jour ke sa feme ala de vie à mort. Et chei doit il tenir quite et paisivle sans werre et sans plait² decresciente ne de cours laies, ne ne poons Nous, ne nostre enfant aiwer³ celui, qui encontre ceste pais iroit, forsmis le evesque de Liege. Et parmi chei est bone pais den dit duc de Braibant, des siens et de ses aiwes de une part, et deu conte Guelre des siens et de ses aiwes d'autre part, de tout chose qui pour ceste werre est esinent⁴ jusques au jour dui. Et tout prison et tout ostaige quiconques les tingue por le okison de ceste werre quite et delivre pormi leur despens paiant raisenauble. Et li home àune part et d'autre doient riestre en leur fies⁵ et en leur yretaiges, comme devant. Et pour chou ke ce soit ferme choze et estavle, Nous avons mis nos saiauls à ces presentes lettres en tiesmoignaige de verité, les queles furent données el an del incarnation Nostre Seigneur mil deus cens quatrevins et quatre, le mardi apries le division des apostles.

L'original, avec deux sceaux en cire jaune, aux archives de la province de Gueldre. Cartulaire des ducs de Brabant, B, fol. 82 et 33.

1 Besteng, contention, bestancium.

2 Plait, redevance, placitum.

3 Aiwer, aider.

4 Esinent, en péril.

5 Riestre en ieur fies, rester en leurs fiefs.