Rymkronyk van Jan van Heelu betreffende den slag van Woeringen van het jaer 1288

[p. 427]

XLIX. 5 avril 1284.

Compromis par lequel Jean, duc de Brabant, nomme ses arbitres sur les contestations qu'il avait avec Arnoud, comte de Loz, touchant les limites de leurs possessions respectives.

Jehans, par le grasce de Deu, dus de Lothrik et de Brabant, à tos chiaus ki ces presens lettres verunt et orunt, salus et conostre veriteit. Cum ensi soit, que descors et debas aent eusteit entre Nos et nos gens d'une part, et nostre chier foiable et cosin Ernol, conte de Los, et ses gens, d'atre part, sor les desseurances et les marches de nos terres, d'aucones justices et d'aucunes entreprises, ke Nos devons avoir cut et entrepris, sor le dit conte de Los, juskes à jor duy, à savoir est à Johancourt, ki siet entre Monteigni et Landene, une court del hospital à Dormalle. à Hallen deleis Doremale, Waitrehalen, entre Fighen et Averborde, à Fessenelie et à Eykelberghe, et tous autres lieues où ke ilh soent et queilke ilh soent; Nos volons et Nos consentons, à ce ke quatre prudome soient pris, à sovoir est me sires Watiers Volkars, et sires Ernous de Wineghem de par Nos, et mes sires Gerars de Berlos, et mes sires Wilhiames de Lunghdris, de par le conte desor dit, liqueil proudome deseur dit sachent et enquerent, por l'une partie et por l'autre, aus anchiens dou pais et de lieus, à bone veriteit, et par seriment, si avant ke li cuens deseur nomeis doit avoir et tenir, et ke sei ancesseur ont manut ou tenut, et en tos les lieus deseur nomeis, et en tos les autres disons Nos et nostre terre, ou li cuens devant dis, on ses gens, se sentent presseit ne greveit de par Nos, ne de par nos gens, ni ke Nos li faisons court, ne nul crop¹. Et si avant ke li quatre proudome deseur dit troverunt à bone loial veriteit, ke li cuens doit avoir et tenir, et ke li raporterunt et diront, par lour enqueste et par lour raport, Nos le prometons à tenir ferme et custable dor en avant, à tous jours, à dit conte et à ses hoirs, entierement. Et por cho ke ilh en soit plus seurs, Nos l'en avons donées nos lettres en ces, sailées de nostre propre saial en tesmoignaige de veriteit. Les queiles furent faites et donées en l'an de grasce M CC quatre vins et quatre, le merkedi devant le pake, à Treyt².

Parchemin, aus. archives de la province de Liége.

1 Ke Nos li faisons court, ne nut crop, que nous leur faisons trop court, au le moindre empêchement (krop).

2 Treyt, Maestricht.