Rymkronyk van Jan van Heelu betreffende den slag van Woeringen van het jaer 1288

[p. 421]

XL 20 october 1283.

Lettres de Jean, duc de Brabant, par lesquelles il reconnaît tenir de l'évêque de Liége la terre de Hakendeure et ses dépendances.

Nous Jehans, par la grace de Dieu dus de Lothier et de Braibant, faisons savoir à tous, ke come debat ayent esté entre plusieurs eveskes de Liege et plusieurs dus de Braibant, sor divers boumages des queis li eveske et li eglise de Liege dient que li dus de Braibant doit estre lor hom, Nous, pour venir à l'amor et le faveur de nostre reverent pere et nostre chier signeur et tres amei frere Jehan, par le grace de Dieu eveske de Liege, et por l'amor de l'eglise de Liege, recouniasons et avons recouneu, ke Nous et no hoir duc de Braibant tenons et devons tenir del eveske, et de l'eglise de Liége, Hakendeure et toutes les appartenances, et avec tont ce, et quant que on porra trouveir ki apartiegne à le parrie¹ de Liege, et avons enconvent sour no loyautei, ke se plus puet on proveir ou trouveir par boene veritei, ou par chartres, ou en autre maniere souffisant, par devant les proudoumes ki pris seront sour les debas entre Nous à termineir, ke Nous doyemes tenir del eveske et de l'église de Liege, Nous le en releverons et tenrons al ensegnement des proudoumes devant dis, et avoec ce, se par Nous meismes Nous nos povons aviseir ke plus y ait, Nous le devons dire et recounaistre en boene fois, et à tout ce ki chi deseure est contenu obligons Nous, Nous, et nos hoirs, dus de Braibant, par le tiesmoignage de ces presentes lettres, sayelées de notre sayel, données l'an del incarnation Nostre Signeur mil deux cens quatre vins et trois, le merkedi apres le feste saint Luc evangeliste.

L'original, sceau enlevé, aux archives de la province de Liége.

1 Parrie, pairie.