Nos etiam, dux Brabantiae praedictus, similiter, cum requisiti fuerimus ex parte ipsius domini nostri archiepiscopi, eidem domino nostro archiepiscopo, et ecclesiae Coloniensi, patenter et potenter, cum omni posse nostro, et in expensis nostris propriis, assistemus, et ipsum dominum archiepiscopum et ecclesiam Coloniensem juvabimus, contra quoscumque, inter Mosam et Renum, et infra fluvium Arae, in juribus et bonis suis conservandis et defendendis universis, super quibus juri stare voluerit, coram quocumque hoc facere tenebitur. Quod si idem dominus noster ultra fluvium Reni, et in partibus Westfaliae, super auxilio sibi praestando, Nos requisiverit, ipsum juvare tenebimur, cum ducentis equitibus armatis, in expensis nostris propriis, transmittendis usque ad littus Reni; et extunc erunt homines nostri stando in littore Reni, et transeundo, et in partibus Westfaliae moram faciendo, et redeundo ultra Renum, in expensis domini nostri archiepiscopi memorati. Et tam diu ipsum dominum nostrum, archiepiscopum et Ecclesiam Coloniensem, in praemissis bonis et juribus suis juvabimus et conservabimus, quousque eadem ab ipso et ecclesia Coloniense per justitiam evincantur, omni fraude et dolo exclusis. Adjectum est etiam, quod, si idem dominus archiepiscopus, de hominibus nostris, pro praestando auxilio, ultra Renum sic notatis, necesse habuerit inter Mosam et Renum, dicti homines nostri erunt in expensis praedicti domini nostri archiepiscopi stando ibidem et moram faciendo in expeditione sua.
Concordatum est etiam inter Nos, et adjectum in pactionibus supradictis, quod, si postquam alter ab altero nostrum, super praestando auxilio, fuerit requisitus, civitatem, castrum, oppidum, seu villam conquisierit, seu conflictum cum inimicis habuerit, seu captivos captivaverit, divisim vel conjunctim, quiequid de hujusmodi conquisitione, seu hostium captione, emolumenti emerserit, et quacumque causa, aequaliter condividemus. Praeterea, si unanimi consilio et voluntate, ambo simul decreverimus munitionem aliquam, vel castrum, de novo construere et aedificare, in allodio beati Petri, vel in alio loco, ubi nobis videbitur expedire, ipsam munitionem, vel castrum simul tenebimus, et expensum ad hoc simul faciemus consimiles et acquales.
Nos archiepiscopus Coloniensis, praedictus, de voluntate et consensu capituli nostri, omnia et singula praemissa, fide praestita corporali, et juramento interposito, promittimus inviolabiliter observare, Nos et successores nostros, de consensu et voluntate capituli nostri, ad praemissa imperpetuum obligantes, et successores nostri, qui pro tempore fuerint, hujusmodi confoederationem observare et innovare tenebuntur.
Et Nos dux, omnia et singula praemissa, fide praestita corporali, et juramento interposito, promittimus inviolabiliter observare, Nos et heredes nostros, ad praemissa inperpetuum obligantes, qui heredes nostri hujusmodi confoederationem observare, et innovare tenebuntur. In omnibus his serenissimo domino nostro Rudolfo, Romanorum rege, hine inde dumtaxat excepto. In cujus rei testimonium et robur, Nos archiepiscopus Coloniensis, et nos dux Brabantiae, supradicti, sigilla nostra praesentibus duximus apponenda. Et Nos capitulum Coloniense, in testimonium omnium praemissorum, et nostri consensus, sigillum nostrum apponi fecimus huic scripto. Datum et actum Coloniae, anno Domini millesimo ducentesimo octogesimo secundo, quinta feria ante festum beati Thomae apostoli.
Cartulaire des ducs de Brabant, aux archives du Royaume, à Bruxelles, B, fol. 55, verso.
Auteursrechtvrij