Rymkronyk van Jan van Heelu betreffende den slag van Woeringen van het jaer 1288

[p. 404]

XVII. 7 août 1279.

Lettres de Renaud, comte de Gueldre, par lesquelles il se rend caution euvers le duc de Brabant, pour le comte de Clèves.

Nous Renaus, Cuens de Ghelre, faisons savoir à tous, ke nous avons enconvent à très noble prinche, no chier signeur Jehan, par le grasce Dieu duc de Lothricke et de Brebant, ke pour raison de cou que li Cuens de Cleves, qui ore est apris à sentens, puis qu'il fu cuens, de gens no chier signeur le duc devant dit, c'est à savoir: dis et wyt cens et vint livres de Lovignois. Nous volons que nos chiers sires li dus prengne et lieve¹ cascun an, à no tonnieu de Lobeke, chinc cens et chincquante mars de esterlins; et qu'il les lieve et preigne tout ensi com il vienent, dusques à tant que les dis et wyt cent et vint livres soient paiés; et chou qui defaurra en une anée, que on le preigne en l'autre, sans boisdie; que nous ne lieve riens, fors qu'il deu chou qui venra à tonnieu devant dit, et doient entreir les anées que nos chiers sires li dus doit commenechieir à leveir, à le close pasque prochaine qui vient, et les devons tenir dedens le tonnieu, tant qu'il soit perpaiés. Et s'ensi estoit que li cuens de Cleves desist qu'il ne eust mie tant comme le somme devant dite, et nos sires li dus ne le puest monstreir par bonne veriter, tant doit il mains² prendre à no tonnieu devant dit, et doit on tant rebatre dele somme devant ditte. En tesmoignage et en fermeté de quele chose, nous avons fait pendre no saial à ches presentes lettres, donuées en l'an dele incarnation Notre Seigneur MCCLXXIX, le lundi devant le jour Sains Lorens.

Cartulaire des ducs de Brabant, aux archives du Royaume, à Bruxelles, litt. B, fol. 38, verso.

1 Lieve, lève.

2 Mains, moins.