Rimen en teltsjes

Gysbert Japix' grutte namme

Gysbert Japix' grutte namme

Haw ik oan myn skipke jûn;

En de priis dêr elts op flamme

Ek mei glâns en gloarje wûn.

Ear'n fleach Gysbert mei syn pinne

Op de wjukken fan 't ferstân,

No oer Fryske marren hinne

Brûst er, sylt er as de brân.

Op 'e Snitser mar is dizze priis [in sulverentabaksdoaze] wûn mei it jacht Gysbert Japicx, de 20 augustus 1844 troch doctor E. Halbertsma