Rimen en teltsjes

It famke út de frjemde

By earme ljuwe yn de Wâlden

Kaam maityds in moai famke oan

Mei blinkend hier en blauwe eagen.

Dat famke wie sa ingel-skoan.

Sy brochte blommen mei en fruchten

Ut fiere waarme lânen oer,

Dy ripe wiene yn mylder loften

En yn gelokkiger natoer.

Sy brocht oan elts in lytse gifte.

Dy brocht s' in frucht en dy in blom;

Fan 't lytste berntsje yn de widze

Ta oan de grize alderdom.

Net ien waard oait fan har fergetten,

Mar kaam 'er in leaf boaske pear,

Dy krigen d' allermoaiste blomkes

En fruchten út in heger sfear.

Sy wie net út dit lân fandinne,

Men wiste net fan wêr hja kaam,

En wêr, wêr gong hja dan wer hinne,

As 't leave famke ôfskied naam??

Schiller neifolge