Hollân en Fryslân
In lyts rymke
Tsjust're, skiere iken leanen,
Boeken beammen, ticht en âld,
Strûken, heiden, seadden, feanen,
Sjocht men yn de Fryske wrâld.
Rjocht beknipte fine tûkjes,
Pauwen útsnien yn in haach,
Rjochte beammen, treaun yn hoekjes,
Sjocht men hjir sa bjuster graach.
Moaie reade, gledde wangen,
Mût'le earmen, read as bloed,
Brede skoften, romme fangen,
Stean it Fryske famke goed.
Lytse teare, fize dinkjes,
Bleke wangen, stroef as sân,
Giele earmen, tin as pinkjes,
Binne smûkjes hjir te lân.
Grutte huzen, grutte spinen,
Sonder húsrie, sonder jild,
Wide kokens, neat te slinen,
Bútepleatsen sonder fjild.
Lytse huzen, folle pongen,
Iten, drinken sa't jin lêst,
Sa is Fryslân, sa is 't bêst.
Grutte wurden, lytse dingen,
Folle sizze, weinich wier,
As in iel him boei' en wringe,
Dêrmei komt me' yn Hollân fier.
Lytse wurden, grutte hollen,
Djippe tinkers, weinich sok,
From, ienfâldich sonder krollen,
Liedt ús Fryslân ta 't gelok.
|
|
Auteursrechtelijk beschermd