Rimen en teltsjes

[p. 429]

De jonkerboer

of krysttiid en sint steffen yn ald fryslan
fan dr. Eeltje halbertsma¹

Foarwurd

Ik ha my by it opstâlen fan dit stik altyd sels de plicht oplein om sa te skriuwen, dat men 'er net fan sizze kin, men kin taaste en fiele dat it leugens binne. Jinwur'ch skriuwt men sa net, en men steurt jin net oan onwierskynlikheden, en dat kin ik net lije. ‘Yn de fabel sels moat de wierheid hearskje, seit in Frânsman. De twa ferteltsjes fan master Tsjerk binne by de wierheid troch, mar dat is mar om de bern te fermeitsjen: dy binne fan in âld Dútske beam plôke, dy by de hearen Grimm yn it hôf stiet. Al it oare wurk is út myn eigen holle fuortkomd, en ik beëagje neat mei myn skriuwen, as om myn Fryske lânsljuwe in noflike pear oeren te besoargjen.

Nim it foar leaf: it is fan in griis man, dy de wrâld yn it koart ferlitte moat.

Grou, 28 maaie 1856

e.h.

1 Dit is het laatste geschrift van Dr. E., hetwelk hij mij kort voor zijn overlijden ter uitgave opdroeg. Gaarne heb ik aan die wens in 1858 voldaan, en er enige verspreide stukjes achter, benevens een levensbericht en een overzicht van al de Friese geschriften der gebroeders vóór gevoegd. Zonder deze laatste wordt het werkje nu, op veler verlangen, onder hunne verzamelde geschriften opgenomen, en wel in dezelfde spelling als daarin is gevolgd.
Aug. 1870
w. eekhoff