Rimen en teltsjes

[p. 421]

De foarname utfanhuzers yn Fryslan¹

Lânsljuwe!

De útwrydskheid heart net by ús thús; dêrom krije wy de namme wolris, dat wy lang gjin freonlike minsken binne. It poehei, dat 'er yn ús dagen makke wurdt mei it oankommen fan in keuning of prins, heart ek yn ús dagen thús: by de iene, omdat er in fertoaning meitsje wol dat er folle jild het; by de oare, omdat s' 'ermei ferlegen binne; mar by de measte, omdat s' 'ernei siikje, of teminsten om de geunst. Mar ongelokkich sjocht men ek, dat dy grutte roppers en razers de earste binne, dy in oare flagge waaie litte, as it har keuning tsjinrint. It echte Fryske aard is stadiger; fan dat aard jou ik hjir in priuwke. Lês it; en dêr it 't wurd is fan in liddich hjeldei, sa siikje 'er neat yn as de wille om jimme yn dizze freugdetiid op te fleurjen, en de keuning en syn hûsgesin op myn wize de eare oan te dwaan, dy sokke hege ljuwe takomt.

Grou, july 1841

e.h.

1 Doe Keuning Willem II en de Keuninginne mei in soan en in dochter, 20 july 1841, mei folle staasje te Ljouwert ynhelle waarden, en alleman syn bêst die om harren dit besiik oangenaam te meitsjen.