Rimen en teltsjes

Oan in berntsje yn de oare wrâld

Byld fan myn hûs en myn herte!

Bern fan myn siel en myn sinnen!

Wêzen fol leafde en fol nocht!

Neame, o! doar ik dy nimmer,

Mar binnen hjir yn it herte

Dêr stiet dyn namme beskreaun.

Lakest my freonlikjes oan

Mei glûpige freegjende eagen

Gods ingel lake my ta.

Sietste my jûns op 'e skurte

En streak'ne dyn hantsjes myn wangen,

Oer wie de soarch fan de dei.

[p. 133]

 

Leiste jûns ier sa te sliepen

 

Mei onskulds waas oer dyn troanje,

 

Roazen bloeiden sa net.

 

 

 

Tuske de sliep en it weitsen

 

Tyspele jit foar myn sinnen

 

Inerlik, berntsje, dyn byld.

 

 

 

Tusken it ljochten en tsjuster

 

Wekken dyn flaaiende lûdsjes

 

Leaflikjes my út de sliep.

 

 

 

Triennen ferrinne en ferdroegje,

 

Mar wûnen yn memmeherten

 

Helet de ivichheid mar.

 

 

 

Tiden en minsken fergeane,

 

Mar libjend' stiet foar myn siele

 

Ivich en ivich dyn byld.

e.h.