Rimen en teltsjes

[p. 87]

Nacht

Stjerren blinke, wyntsjes swije,

En natoer leit yn 'e slom.

't Is de stille nacht fan 't frijen;

Kom, myn leave famke, kom!

Lit ús hân oan hân hjir sitte,

Foar nin loerjende eagen bang;

Lit ús wrâlds fertriet ferjitte.

Leafde wit hjir fan nin twang.

'Jippe stilte is om ús hinne,

En it fjild leit yn de dau;

'k Hear it flústerjen allinne,

‘Ivich, ivich, leafde en trou!’

Ingels yn dit hillich tsjuster

Flodderwjokje om ús ta;

Sizze fan ús lok ferwondere:

‘Wêr is 't yn de himel sa?’

j.h.h.