Rimen en teltsjes

Nije widzesang

Do, do, biste myn Anke;

Do, do, biste myn bern;

Do, do, biste myn fanke;

Witst net hoe goe' ik it mien.

Ja, ja, witsto net hoe goe' ik it mien.

Sliep, sliep sêftkes, myn berntsje;

Sliep, sliep, stil as in blom.

Dûk, dûk, krûp yn dyn herntsje,

Tink do mar nearne net om.

Ja, ja, tink do mar nearne net om.

Nije widzesang

[p. 33]

 

Dy, dy soe ik wol triuwe,

 

Ticht, ticht, djip oan myn hert.

 

Nin, nin pinnen beskriuwe,

 

Nin memme-leafdefjoer net.

 

Ja, ja, tink do mar nearne net om.

 

 

 

Troch, troch fjoer, en troch wetter,

 

Gean, gean, flean ik foar dy.

 

Nin, nin libben is better

 

As it stjerren foar dy.

 

Ja, ja, tink do mar nearne net om.

 

 

 

Do, do biste myn koeze,

 

Do, do tôgest my wei.

 

Na ... na ...na ... nane sûze,

 

Bliuw 'er sa swiet yn wei.

 

Ja, ja, tink do mar nearne net om.

 

 

 

Toet! toet! tûzen priuwkes

 

Ut, út myn libbensier;

 

Toet! toet! tûzen triuwkes

 

Wekke myn fanke moarnier.

 

Ja, ja, tink do mar nearne net om.

 

 

 

Do, do biste myn Anke,

 

Do, do biste myn bern;

 

Wurd, wurd in tige fanke,

 

Wurd in Friezinne, myn bern!

 

Ja, ja, tink do mar nearne net om.

 

 

 

Sliep! sliep! slút har de eagen.

 

Sliep! sliep! krûp troch har lea.

 

Tiis, tiis har yn dyn reagen,

 

Meitsje har libjende dea.

 

Ja, ja, witst net hoe goe' ik 't mien.

e.h.

Nei it Dútsk