Judas de verrader

[p. XIV]

In Judae proditionem
Carmine descriptam a Joanne Hasio.

INaudita, nefanda proditoris
Judae perfidia; aere Christus ipse
Parvo venditus, osculique ficti
Fallaci sub imagine execrandae
Turmae traditus; Innocentia, eheu!
Caeco oppressa tyrannidis furore;
Ac tandem sceleris dolore pressus
Dirus perfuga, Numinisque laesi
Tortus verbere, consciaeque mentis,
Infami laqueo inplicatus; atque

[p. XV]

 

De prona arbore pendulum cadaver;

 

Et quae crimina foeda, quosque fructus

 

Auri sacra parit fames avaris;

 

Haec sunt, quae pia versibus politis

 

HAS I dextera pingit hac tabella.

 

Et quisquam calamo magis diserto

 

Magisque artifici exprimat nefandam

 

Judae perfidiam, colore vivo,

 

Quam cujus patrimonium scelesti

 

Surreptum alterius dolis Iudae &

 

Manu sacrilega, orba matre carâ

 

Innocentia lacrimatur ipsa?

 

 

 

CORN. VAN ARCKEL.