Het paradys der geestelijcke en kerckelijke lof-sangen, op de principaelste feest-dagen des gheheelen jaers

Voor den voor-gaenden Psalm in exitu, &c. gebruycktmen dickwils (op Feest-dagen der Heyligen) een van dese drie navolgende Psalmen.

Psalmus 115.

CRedidi, propter quod locutus sum: ego autem humiliatus sum nimis.

Ego dixi in excessu meo: Omnis homo mendax

[p. 799]

Quid retribuam Domino: pro omnibus quae retribuit mihi?

Calicem salutaris accipiam: & nomen Domini invocabo.

Vota mea Domino reddam eoram omni populo ejus: pretiosa in conspectu Domini mors sanctorum ejus.

O Domine, quia ego servus tuus: ego servus tuus, & filius ancillae tuae.

Dirupisti vincula mea, tibi sacrificabo hostiam laudis: & nomen Domini invocabo.

Vota mea Domino reddam in conspectu omnis populi ejus: in atriis domus Domini, in medio tui Jerusalem. Gloria Patri, & Filio, &c.

Psalmus 116.

LAudate Dominum omnes gentes: laudate eum omnes populi.

Quoniam confirmata est super nos misericordia ejus: & veritas Domini manet in aeternum.

Gloria Patri, & Filio, &c.

Psalmus 131.

MEmento Domine David: & omnis mansuetudinis ejus.

Sicut juravit Domino: votum vovit Deo Jacob.

Si introiero in tabernaculum domus meae: si ascendero in lectum strati mei.

Si dedero sommum oculis meis: & palpebris meis dormitationem.

Et requiem temporibus meis, donec inveniam locum Domino: tabernaculum Deo Jacob.

[p. 800]

Ecce audivimus eam in Ephrata: invenimus eam in campis silvae.

Introibimus in tabernaculum ejus: adorabimus in loco ubi steterunt pedes ejus.

Surge Domine in requiem tuam: tu & arca sanctificationis tuae.

Sacerdotes tui induantur justitiam: & sancti tui exultent.

Propter David servum tuum: non avertas faciem Christi tui.

Juravit Dominus David veritatem, & non frustrabitur eum: De fructu ventris tui ponam super sedem tuam.

Si custodierint filii tui testamentum meum: & testimonia mea haec, quae docebo eos.

Et filii eorum usque in saeculum: sedebunt super sedem tuam.

Quoniam elegit Dominus Sion: elegit eam in habitationem sibi.

Haec requies mea in saeculum saeculi: hîc habitabo, quoniam elegi eam.

Viduam ejus benedicens benedicam: pauperes ejus saturabo panibus.

Sacerdos ejus induam salutari: & sancti ejus exultatione exultabunt.

Illuc producam cornu David: paravi lucernam Christo meo.

Inimicos ejus induam confusione: super ipsum autem efflorebit sanctificatio mea.

Gloria Patri, & Filio, &c.