Het paradys der geestelijcke en kerckelijke lof-sangen, op de principaelste feest-dagen des gheheelen jaers

[p. 793]

Psalmen die in de H. Kercke ghebruyckt worden in de Vesper en Compleet, op Sondagen en H. Dagen.

Dominica ad Vesper as.

Deus in adjutorium meum intende.

Resp. Domine ad adjuvandum me festina.

Gloria Patri, & Filio, & Spiritui sancto.

Sicut erat in principio, & nunc, & semper: & in saecula saeculorum, Amen.

Alleluja.

Ofte na gelegentheyt des tijts.
Laus tibi Domine rex aeternae gloriae.

DIxit Dominus Domino meo: Sede à dextris meis.

Donec ponam inimicos tuos: scabellum pedum tuorum.

Virgam virtutis tuae emittet Dominus ex Sion: dominare in medio inimicorum tuorum.

Tecum principium in die virtutis tuae, in splendoribus sanctorum: ex utero ante luciferum genui te.

Juravit Dominus, & non poenitebit eum: Tu es sacerdos in aeternum secundum ordinem Melchisedech.

Dominus' à dextris tuis: confregit in die irae suae reges

Judicabit in nationibus, implebit ruinas: conquassabit capita in terra multorum.

De torrente in via bibet: proptereà exaltabit caput.

[p. 794]

Gloria Patri, & Filio: & Spiritui sancto.

Sicut erat in principio, & nunc, & semper, & in saecula saeculorum, Amen.

Psalmus 110.

COnfitebor tibi Domine in toto corde meo: in consilio justorum, & congregatione.

Magna opera Domini: exquisita in omnes voluntates ejus.

Confessio & magnificentia opus ejus: & justitia ejus manet in saeculum saeculi.

Memoriam fecit mirabilium suorum, misericors & miserator Dominus: escam dedit timentibus se.

Memor erit in saeculum testamenti sui: virtutem operum suorum annuntiabit populo suo.

Ut der illis haereditatem gentium: opera manuum ejus veritas & judicium.

Fidelia omnia mandata ejus, confirmata in saeculum saeculi: facta in veritate & aequitate.

Redemtionem misit populo suo: mandavit in aeternum testamentum suum.

Sanctum & terribile nomen ejus: initium sapientiae timor Domini.

Intellectus bonus omnibus facientibus eum: laudatio ejus manet in saeculum saeculi.

Gloria Patri, & Filio &c.

Psalmus 111.

BEatus vir qui timet Dominum: in mandatis ejus volet nimis.

Potens in terra erit semen ejus; generatio rectorum benedicetur.

[p. 795]

Gloria & divitiae in domo ejus: & justitia ejus manet in saeculum saeculi.

Exortum est in tenebris lumen rectis: misericors, & miserator & justus.

Jucundus homo qui miseretur, & commodat, disponet sermones suos in judicio: quia in aeternum non commovebitur.

In memoria aeterna erit justus: ab auditione mala non timebit.

Paratum cor ejus sperate in Domino, confirmatum est cor ejus: non commovebitur donec despiciat inimicos suos.

Dispersit, dedit pauperibus, justitia ejus manet in saeculum saeculi: cornu ejus exaltabitur in gloria.

Peccator videbit & irascetur, dentibus suis fremet & tabescet: desiderium peccatorum peribit. Gloria Patri, & Filio, &c.

Psalmus 112.

LAudate pueri Dominum: laudate nomen Domini.

Sit nomen Domini benedictum: ex hoc nunc & usque in saeculum.

A solis ortu usque ad occasum: laudabile nomen Domini.

Excelsus super omnes gentes Dominus: & super caelos gloria ejus.

Qui sicut Dominus Deus noster, qui in altis habitat: & humilia respicit in caelo & in terra?

Suscitans â terra inopem: & de stercore erigens pauperem.

[p. 796]

Ut collocet eum cum principibus: cum principibus populi sui.

Qui habitare facit sterilem in domo: matrem filiorum laetantem. Gloria Patrie, &c.

Psalmus 113.

IN exitu Israël de AEgypto: domus Jacob de populo barbaro.

Facta est Judaea sanctificatio ejus: Israël potestas ejus.

Mare vidit, & fugit: Jordanis conversus est retrorsum.

Montes exultaverunt ut arietes: & colles sicut agni ovium.

Quid est tibi mare, quod fugisti: & tu Jordanis, quia conversus es tetrorsum?

Montes exultastis sicut arietes: & colles sicut agni ovium.

A facie Domini mota est terra: à facie Dei Jacob.

Qui convertit petram in stagna aquarum: & rupem in fontes aquarum.

Non nobis Domine, non nobis: sed nomini tuo da gloriam.

Super misericordia tua, & veritate tua: ne quando dicant gentes, Ubi est Deus eorum?

Deus autem noster in coelo: omnia quaecum que voluit, fecit.

Simulacra gentium, argentum & aurum: opera manuum hominum.

Os habent, & non loquentur: oculos habent, & non videbunt.

[p. 797]

Aures habent, & non audient: nares habent, & non adorabunt.

Manus habent, & non palpabunt, pedes habent, & non ambulabunt: non clamabunt in gutturo suo.

Similes illis fiant qui faciunt ea: & omnes qui confidunt in eis.

Domus Israël speravit in Domino: adjutor eorum, & protector eorum est.

Domus Aaron speravit in Domino: adjutor eorum, & protector eorum est.

Qui timent Dominum, speraverunt in Domino: adjutor eorum, & protector eorum est.

Dominus memor fuit nostris: & benedixit nobis.

Benedixit domui Israël: Benedixit domui Aaron.

Benedixit omnibus qui timent Dominum: pusillis cum majoribus.

Adjiciat Dominus super vos: super vos, & super filios vestros.

Benedixit vos à Domino: qui fecit coelum & terram.

Coelum caeli Domino: terram autem dedit filiis hominum.

Non mortui laudabunt te Domine: neque omnes qui descendunt in infernum.

Sed nos qui vivimus, benedicimus Domino: ex hoc nunc & usque in saeculum.

Gloria, Patri, & Filio, &c.

[p. 798]

Canticum B. Mariae Virginis. Luc. 1.

MAgnificat anima mea Dominum.

Et exultavit spiritus meus: in Deo salutari meo.

Quia respexit humilitatem ancillae suae: ecce enim ex hoc beatam me dicent omnes generationes.

Quia fecit mihi magna qui potens est: & sanctum nomen ejus.

Et misericordia ejus à progenie in progenies: timentibus eum.

Fecit potentiam in brachio suo: dispersit superbos mente cordis sui.

Deposuit potentes de sede: & exaltavit humiles.

Esurientes implevit bonis: & divites dimisit inanes.

Suscepit Israël puerum suum: recordatus misericordiae suae.

Sicut locutus est ad patres nostros: Abraham, & femini ejus in saecula. Gloria Patri, &c.