Het paradys der geestelijcke en kerckelijke lof-sangen, op de principaelste feest-dagen des gheheelen jaers

[Dulcis Jesu, dulce nomen, dulcis]

[p. 35]

DUlcis Jesu, dulce nomen, dulcis Dei genetrix:

[p. 36]

 

Dulce coelum, dulce solum, dulce mortis gaudium,

 

Dulcis natus, nobis datus dulcis Dei Filius,

 

Dulcis thorus, dulcis chorus, & dulce praesepium.

 

Dulcis thorus, &c.

 

Pulchrum numen, pulchrum lumen noctis in solatium:

 

Pulchrum flamen, pulchrum stramen, & pulchrum palatium:

 

Antrum pulchrum, pulchrum fulcrum, & pulchrum tugurium:

 

Pulchrae cunae, ut lux lunae: sed puellus pulchrior.

 

Pulchrae cunae, &c.

 

 

 

Salve virgo, salve virga quae de Jesse floruit:

 

Salve nate, nobis date, quem Maria genuit:

 

Felix tellus, quae per vellus, roro coeli maduit:

 

Felix homo, qui pro pomo vitae panem accipit.

 

Felix homo, &c.

[p. 37]

 

Jesu veni, flatu leni cor nostrum refrigera:

 

Carnis estus, orci quaestus, cessent mundi praelia:

 

Cor devotum te vult totum, nam tu solus omnia.

 

Ergo veni, simus pleni fontis tui copia.

 

Ergo veni, &c.

 

Pie Jesu qui pro esu mali per te vetiti,

 

Nudus nasci, lacte pasci, voluisti perpeti:

 

Da salutem, per virtutem, qua polles divinitus,

 

Ut hic donum, illic bonum, acquiramus coelitus.

 

Ut hic, &c.

 

 

 

Tuus fletus, Jesu laetus maestum mundum recreans,

 

Ejulatus tuus gratus, Patri nos concilians:

 

Sed da vere tecum flere causam mali, crimina:

 

Ut post mortem caeli sortem nobis des in saecula.

 

Ut post, &c.