Het paradys der geestelijcke en kerckelijke lof-sangen, op de principaelste feest-dagen des gheheelen jaers

[p. 32]

[Beata immaculata virgo puerpera]

Beata immaculata virgo puerpera.
Quam pura sunt creatura, tam digna viscera

[p. 33]

 

Concipere, induere lucem paternae gloriae.

 

Concipere, &c.

 

O matrem, quae tuum patrem fundis in aethera!

 

O florem, quae coeli rorem trahis ad ubera!

 

Lactas Deum, infantulum, caeli terrae que Dominum.

 

Lactas, &c.

 

O nate pro nobis date noster Emmanuel

 

De fruge Mariae suge butyrum lac & mel,

 

Sunt dulcia, sunt lactea, sunt pura matris ubera.

 

Sunt dulcia, &c.

 

 

 

Primaeva seduxit Eva, Dux morientium:

 

Tu plena salutis vena, mater viventium:

 

Tu reseras; tu revocas ad Paradisi januas.

 

Tu reseras, &c.

 

 

 

Nos dentis mali serpentis morsus invaserat;

 

Divina sed medicin venena dissipat:

 

Tu medicum das puerum, cujus est nomen oleum.

 

Tu medicum, &c.

[p. 34]

 

Laudemus, & invocemus fortem mulierem,

 

Mariam dulcem & piam, quae vicit daemonem,

 

Hanc cordibus, hanc vocibus, hanc veneremur moribus.

 

Hanc cordibus, &c.

 

 

 

Sis bona nobis patrona in ista Bethlehem,

 

Regina, ô Heroina, novae Jerusalem:

 

Te Cherubim, te Seraphim laudent Maria perpetim.

 

Te Cherub. &c.