Het paradijs der geestelijke en kerkelijke lofzangen (onder pseudoniem Salomon Theodotus)

[p. 735]

Psalmvs 121.

LAEtatus sum in his, quae dicta sunt mihi: in domum Domini ibimus.
Stantes erant pedes nostri: in atrijs tuis Ierusalem.
Ierusalem quae aedificatur ut civitas: cujus participatio ejus in idipsum.
Illuc enim ascenderunt tribus, tribus Domini: testimonium Israel, ad confitendum nomini Domini.
Quia illic sederunt sedes in judicio: sedes super domum David.
Rogate quae ad pacem sunt Ierusalem: & abundantia diligentibus te.
Fiat pax in virtute tua: & abundantia in turribus tuis.
Propter fratres meos, & proximos meos: loquebar pacem de te.
Propter domum Domini Dei nostri: quaesivi bona tibi. Gloria Patri, & Filio.