Het paradijs der geestelijke en kerkelijke lofzangen (onder pseudoniem Salomon Theodotus)

[Dulcis Iesu, dulce nomen, dulcis Dei genitrix]

Dulcis Iesu, dulce nomen, dulcis Dei genitrix:
Dulce coelum

[p. 35]

 

dulce solum, dulce mortis gaudium,

 

Dulcis natus, nobis datus, dulcis Dei Filius,

 

Dulcis thorus, dulcis chorus, & dulce praesepium.

 

 

 

DUlcis Iesu, dulce nomen, dulcis Dei genitrix:

[p. 36]

 

Dulce coelum, dulce solum, dulce mortis gaudium,

 

Dulcis natus, nobis datus, dulcis Dei Filius,

 

Dulcis thorus, dulcis chorus, & dulce praesepium.

 

Dulcis thorus &c.

 

 

 

Pulchrum numen, pulchrum lumen, noctis in solatium:

 

Pulchrum flamen, pulchrum stramen, & pulchrum palatium:

 

Antrum pulchrum, pulchrum fulcrum, & pulchrum tugurium:

 

Pulchrae cunae, ut lux lunae: sed puellus pulchrior.

 

Pulchrae cunae, &c.

 

 

 

Salve virgo, salve virga quae de Iesse floruit:

 

Salve nate, nobis date, quem Maria genuit:

 

Felix tellus, quae per vellus, rore coeli maduit:

 

Felix homo, qui pro pomo vitae panem accipit.

 

Felix homo, &c.

 

 

[p. 37]

 

Iesu veni, flatu leni cor nostrum refrigera:

 

Carnis aestus, orci quaestus, cessent mundi praelia:

 

Cor devotum te vult totum, nam tu solus omnia.

 

Ergo veni, simus pleni fontis tui copia.

 

Ergo veni, &c.

 

 

 

Pie Iesu qui pro esu mali per te vetiti,

 

Nudus nasci, lacte pasci, voluisti perpeti:

 

Da salutem, per virtutem, qua polles divinitus,

 

Vt hic donum, illic bonum, acquiramus caelitus.

 

Vt hic, &c.

 

 

 

Tuus fletus, Iesu laetus maestum mundum recreans,

 

Ejulatus tuus gratus, Patri nos concilians:

 

Sed da vere tecum flere causam mali, crimina:

 

Vt post mortem caeli sortem nobis des in saecula.

 

Vt post, &c.