Den lust-hof der Christelycke leeringhe

[p. 362]

[p. 363]

De AEternitate.

Ad modulos:
Een Godt in dry persoonen vreest. pag. 13.
aliosq́ue ibi notatos.

O caeca mens mortalium,
Quousque quaeris vanitatem,
Oblita spiritalium,
Non cogitans aeternitatem?

Quò tendis? ah! quò properas?

Finem cur haud consideras?

Opes, honores, praedia,
Et sceptra transeunt momento;
Formae venustas, media
Sunt saepe nobis nocumento.

Mundana quid sunt omnia?

Quàm fumus, vmbra, somnia?

Ut vnda, mundus effluit;
Ut vmbra, vilis, euanescit:
Ut flos, homo sic defluit:
Iam floret; at cras contabescit,

Terrisq́ue vix dum funditur,

Terra miser quin conditur.

Quid vita? stilla pensilis,
Imago scoenae, bulla, fumus:
Quid nos? cinis, nix fragilis,
Pus, esca vermium, nil sumus;

Cras forsan ad immania

Tormenta transit omnia.

Quid ergo transitoria
Breui quid ambis finienda?
Est vana mundi gloria
Flammis perennibus luenda;

AEterna mente concipe,

AEterna vota suscipe.

Hinc ignis, & hinc gaudia
Utrimque stant; & stant aeterna,
Nulli patent effugia;
Nunc ergo deligas alterna:

Semel perire, semper est:

Semel beari, aeternum est.

Honos, voluptas allicit?
Perpende poenas aeternales:
Auríve pondus afficit?
Expende flammas infernales,

Et dic: Caeli delitiis

Non careo pro vitiis.

Heu! vanitatum vanitas
Te deserit, manetq́ue poena;
Manetq́ue dura aeternitas,
Dum cuncta transeunt terrena.

O longa dura AEternitas!

O infinita AEternitas!

Quàm durat heu AEternitas!
Millena mille saeculorum
Rerumq́ue numerositas,
Quot scribi possunt numerorum,

Et cuncta, si coniuncta sint,

AEternitatis puncta sint.

Vitae necisq́ue AEternitas
A morte pendet; haec à vita;

[p. 364]

 

A filo vitae breuitas,

 

Quod mors secat, mors nimis cita,

 

Succedit hinc AEternitas,

 

Immensa ô AEternitas!

 

 

 

Felix beans AEternitas;

 

AEternitas saeua poenarum;

 

Non terminanda AEternitas

 

Vel vita, vel mors, animarum

 

Mortem quis hanc non abigat?

 

Vitam quis hanc non eligat?

 

 

 

Sic ergo cuncti viuite,

 

Viuatis vt AEternitatis

 

Sic mori iam nunc discite,

 

Ne moriamini damnati;

 

AEternitas vos terreat,

 

AEternitas vos vrgeat.

 

 

 

AEternitatis, Trinitas,

 

Mensura sola, Deus, aequa;

 

AEternùm nos ne punias,

 

Hîc crucies, hîc vre, seca:

 

Nec cedat è memoria

 

AEterna poena & gloria.

DE Eeuwigheyd is hier het leste;
Want is sy goed, sy is het beste:
Maer is sy quaed, sy is het quaedste.
Dus is oock d'eeuwigheyd het laetste.

O eeuwigh' Heer', o eeuwigh' Godt,
Van mijn ghedicht 'tbeghin, en 'tslot,
My, die tot u mijn' arbeydt seynde,
Verleent een eeuwigh-saligh

EYNDE.