Den lust-hof der Christelycke leeringhe

[p. 255]

Het vyfde deel van den Lvst-hof der Christelycke leeringhe.

Van de vvercken der Christelijcke rechtveerdigheyd.

Vra.

WAer toe moet t'aller stondt
Een Christen hem begheven?

Ant.

'tQuaed schouwen, oft de sond';

Goed doen, en deughd-saem leven.

Van de Sonden.

Vra.

Seght wat ick noemen moet

Sonden, oft quade wercken?

Ant.

Al watmen peyst, spreeckt, doet,

Of laet, met vol aenmercken,
Teghens Godts wille goed,
Oft het ghebodt der Kercken.

Vra.

Laet ons nu eens 'tghetal

Der sonden soorten hooren.

Ant.

Erf-sond', door Adams val

De menschen aenghebooren:
2. Doodt-sonde, die terstondt
De siel doodt, en verhindert;
3. En daghelijcksche sond'
De liefde Godts vermindert.