Den lust-hof der Christelycke leeringhe

[p. 47]

[p. 48]

Augustissimo dulcissimo nomini Iesv.

Ad modulos:
Dies est laetitiae.

MAgno Iesv nomini
Gentes iubilate,
Gloriosum Domini
Nomen exaltate;
Lyris, tubis, tympanis,
Cytharis & organis
Dulciter cantate:
Cymbalis, & lituis,
Modulis perpetuis
Iesvm personate.

Nomen sit sanctissimum
Iesv benedictum!
⁺Nomen suauissimum
Hostibus inuictum.
Aue nomen melleum,
⁺Et effusum oleum
Maxime virtutis:
Aue nomen aureum,
Nomen plusquam gemmeum,
Titulus salutis.

⁺Nomen admirabile
Iesv Saluatoris,
Omnibus laudabile
Angelorum choris:
⁺Omnia caelestia,
Infera, terrestria
Tibi genu flectant.
Te collaudent vocibus,
Et coronas manibus
Iesv tibi plectant.

Caelicus exercitus
Nomen hoc adorat.

+ Psal. 112. 2.

+ Cant. 1. 2.

+ Psal. 8. 2.

+ Philip. 2. 10.

[p. 49]

 

Daemon fugit territus,

 

Ingemiscit, plorat.

 

Cessat tribulatio,

 

Morbus, & tentatio

 

Iesv nominato.

 

Fugit omne nubilum

 

Iesu inuocato.

 

 

 

Aliud haud coelitus⁺

 

Nomen scimus dari,

 

In quo possint penitus

 

Homines saluari.

 

O quàm amabile

 

Est hoc Iesv nomen!

 

Cordis desiderium,

 

Et salutis omen.

 

 

 

Studens si quid legero,

 

Disputem vel scribam,

 

Siue quidquid egero,

 

Comedam, seu bibam,

 

Iesvs nisi praeeat,

 

Penitus nil recreat,

 

Nec me quidquam capit.

 

Cibus omnis aridus,

 

Potus est insipidus,

 

Iesvm qui non sapit.

 

 

 

Iesvm donec vixero

 

Iugiter vox sonet

 

Iesv, quidquid dixero,

 

Laudem semper donet:

 

Iesvs in cubiculo,

 

Foris in vehiculo

 

Mecum sit pro more.

 

In omni periculo,

 

Mortis in articulo

 

Iesvs sit in ore.

+ Act. 4. 11.