Ad Sacras Musas, Pias elegantias, Castos lepôres, Reverendi viri Domini, D. Benedicti van Haeften, celebris abbatiae Affligeniensis praepositi dignissimi.
FOrtè sub vmbrosâ consederat arbore Phoebus,
Addit se sociam turba nouena Deo.
Incipit, auscultant; laudat, laudantq́ue vicissim
Haeftenvm: Nunquid suâvior vllus erit?
Audiit Amphyon, & quis me suâvior? inquit,
Qui lapides moui voce canendo grâues?
Olli subridens Phoebus, mea magna voluptas
Suâvia ne iactes; suâvior vnus, ait.
Ille mihi, Musisq́ue nouem gratissimus Haeften,
Ille, inquam, nostri lausq́ue , decusq́ue Chori est.
Pectora qui saxo magis obdurata libelli
Dulcisono cantu molliet, atque trahet.
Contuleris Sappho, Sappho modulamina sistet:
Calliopaea silet, dum canit arte modos.
Aure iuuat dulces has delibare camenas?
Absit veste color, concinet albus olor.
Alivd.
QVo genio viuis, genio hoc quoque dicis in isto
Ingenij foetu nobiliore tui.
Hoc Affligenivm felix censebo libello,
Affligat genium quo sibi quisque suum.
Ipse legam, volvamq́ue lubens. Prius insero votum:
Auteursrechtvrij