Den lust-hof der Christelycke leeringhe

[fol. ***1r]

In Paradisvm Catechisticarvm odarvm Reuerendi Viri D. Benedicti van Haeften abbatiae Affligeniensis praepositi.

DVm dubitat Samuël quem debeat vngere regem,

Pascit adhuc reliquus paruulus vnus oues,

Isaï, ait, gregibus vacuum hunc, & suauibus hymnis

Impinguat regno, rex quoque psallere amat.

Iurgia deme Nathan, totus tu cetera Dauid,

Seu pascis, canis, aut iunior eligeris.

Pastum, grex vegetus probat; haec sacra carmina, venam,

Vbere quae semper gurgitat è scatebra.

Nil stridet, nec hiat, sed sunt spontanea cuncta,

Gaudet enim metrico limite quidquid agis.

Seria, mella, ioci, pietas, instructio, quicquid

Eructas faciles gliscit inire modos.

Res facit ipsa fidem: lege vatem in versibus istis,

Verùm dum dubitas quî moduleris eos,

Beinius aurium amor, in quo est euphonia, rhythmum

Legittimis statuit quemlibet ire tonis.

Sic velut in fuluo radiat carbunculus auro

Alter ita alterius nobilitatis opus.

Omnia quàm bene! nam Benedictvs, Beinius, & cui

Tam bene scripta dicas, optimus & Bonvs est.

Nos pro munere quid? bene pangens, & bene dicens

Sis Benedictus hîc, & postea semper. Amen.

I. MYTENS

Nuper Lector monasterij Affligeniensis pangebat.