De Psalmen Dauids

Vanden Gheboorte Christi.

Op de wijse: Behout ons Heere by v woort. D.M.L.

1

VAn bouen quam d'Enghelsche schaer,
Verscheen den Herders openbaer,
Sy seyden: een t'eer kindeken
Dat leyt in een hert kribbeken.

2

Te Bethlehem in Dauidts stat

[p. 71]

 

(Micheas heeft vercondicht dat)

 

Is gheboren Christus ghewis,

 

Die uwer alder Heylandt is.

3

Dies soudt ghy bly zijn in t'ghemeen,
Dat Godt met ons is worden een:
Gheboren is v Vleesch end'bloet,
V Broeder is nv t'eewich goet.

4

Wat can v sond' end' doot doen nv,
Ghy hebt den rechten Godt met v:
Laet vry gram zijn Duyuel end' Hel,
De-wijl' Godts Soon' is v ghesel.

5

Hy en sal v gheensins af-gaen,
Laet slechs uwen troost op hem staen:
Veel moghen v wel vechten aen,
Maer v niet ouerwinnen saen.

6

Op t'laest sult ghy bestaen met macht
Want ghy zijt nv van Godts gheslacht:
Dies danct God inder eewicheyt.
Die v wt gunst sulcx heeft bereyt.