De Psalmen Dauids
(1583)–Willem van Haecht–Is een dancsegginge, dat Godt een plaetse gheeft daermen zijn woort hooren, ende hem recht dienen can. | |
1IC verheuge my dies geheel voort-aen,
Dat ic hebb' hooren vertellen,
Dat wy sullen in t'huys des Heeren gaen.
End' ons voeten sullen stellen
In v poorten Ierusalem seer saen.
| |
2Ierusalem is ghebout tot een Stat,
Daermen sal comen te samen:
| |
[pagina 339]
| |
Daer Godts Stammen sullen nemen den pat,
Te pre'ken t'volc na betamen,
Om te dancken Godts naem den weyrden schat.
| |
3Want t'oordeelen sitten de Stoelen daer,
Stoelen des Huys Dauids schoone.
Wenschet Ierusalem gheluc voorwaer:
T'moet wel gaen sulken persoone,
Die v bemint, end' toont dat openbaer
| |
4T'moet binnen v Muren zijn vrede stil,
End' gheluc in v Palleysen,
Om mijnder Broederen end' vrinden wil,
Wil ic met al mijn ghepeysen
V wenschen den vrede sonder gheschil.
| |
5Om den Huyse wille des Heeren goet
Onses Godts seer hooch verheuen
Wil ic v beste soeken met-der spoet,
Op-dat v werde ghegheuen
All' t'ghene dat tot uwen voordeel doet.
|
|