De Psalmen Dauids
(1583)–Willem van Haecht–
AuteursrechtvrijIs een leeringe, hoe een yegelijc in zijn beroep neyrstich sal zijn, Godsalichlijc leuen, alle ergernisse mijden, ende voornemiclijc zijn huysghesin in goede discipline houden soude. | |
1VAn ghenaed' end' recht wil ic singhen,
Ende lof segghen v Heer'.
Heel voorsichtich in alle dinghen
Handel' ic, End' red'lijc zeer
By all' den ghenen die mijne zijn:
End' wandel' trou inden huyse mijn.
| |
2Ick neem' voor my geen boose sake:
Den ouertreder ic haet,
Hy moet van my in onghemake.
End' een verkeert herte quaet
Moet van my wijken, al soomen siet,
Den Boosen en lijd' ic gheensins niet.
| |
3Die hunnen naesten heymelijke
| |
[pagina 270]
| |
Achter-clappen tot beswaer,
Die verniel' ic alle-ghelijke:
Die daer maken stout ghebaer,
End' hoochmoedich zijn in s'herten gront,
Die en vermach ic tot gheender stont.
| |
4Na dien sien altijt mijn Ooghen
Die ghetrou in het lant leeft,
Ic can dat ooc zeer wel ghedooghen,
Dat hy by my wooningh' heeft:
Daer-en-bouen zijn my aenghenaem
Alle de vrome dinaers lofsaem.
| |
5Ic en can de valsche niet lijden,
Noch ghehouden in mijn huys:
Loghenaers by my niet bedijden.
Vroech verniel' ic ende maek' confuys
Den Godloosen inden lande stijf,
Dat ic de quaed' wt Godts stadt verdrijf.
|
|