De Psalmen Dauids

Den C. Psalm.

Is een vermaninghe datmen Godt daerom dancken ende vrolijcken zijn soude, dat hy ons gheschapen, ende door zijn woort, in zijn kercke gheroepen heeft.

1

IVychet den Heer' alle Werelt wijt:
Dient den Heere met vreucht end' iolijt.
Comet voor zijn aenschijne.
Met vrolijcheyt alle wie ghy zijt,
Nv end' t'allen termijne.

2

Bekennet dat de Heere Godt sy:
Ons gheschapen end' ghemaect heeft hy,
Niet wy, door ons bereyden:
Tot zijnen Volke ghemaect zijn wy,
End' schapen zijnder weyden.

3

Gaet tot zijnder poorten in met danc,
Met louen wilt nemen uwen ganc
Vry tot zijne voor-houen:
Danket hem alle v leuen lanc,
Sijnen name wilt louen.

4

Want de Heere die is vrindelijc,

[p. 269]

 

End' zijn ghenade duert eewelijc,

 

Sijn waerheyt t'allen tijden

 

Gaet voort ende voort sonder beswijc:

 

V tot eewich verblijden.