De Psalmen Dauids

Den lxxxviij. Psalm.

Is een ghebet dat Godt inde becoringe (als het hert vol bangicheyt is ende voor Gods gramschap vreest) ons troosten wille.

1

HEer' God mijn heylant machtich,
Ic roep dach ende nacht voor v,
Laet mijn Ghebet warachtich
Voor v comen, Neycht dijn oor' nv
Tot mijn roepen: Want mijn siel' is
Vol iammers, niet om

[p. 240]

 

tellen,

 

End' zeer na byder Hellen

 

Is alle mijn leuen ghewis.

2

Ick ben als die gheachtet
Die ter Hellen vaert: End' ghelijc
Een die gheen hulp' en wachtet,
Ic liggh' onder de dood' in zwijc

Verlaten, als die, die in t'graf

Ligghen verslaghen Heere,
Dier ghy niet ghedenct meere,
End' van v hant zijn gekeert af.

3

Ghy hebt my onghenadich
Onderwaerts inden Cuyl gheleyt,
De duysterniss' versmadich
End' de diepte voor my bereyt.

V grimmicheyt druct my t'oneer'

End' sy dringht my daer neuen,
(Waer door ick com' in sneuen)
Met alle dijne Vloeden zeer. Sela.

4

Ghy hebt alle mijn vrinden
Gheheel verre van my ghedaen:
Ghy hebt (als d'onbeminden)
My hun, O Heere, ghemaect saen

Tot eenen grooten grouwel, siet:

Ic ligghe hert gheuanghen
In een zeer swaer verstranghen,

[p. 241]

 

End' en can daer wt comen niet.

5

Iammerlijc van ellende
Is mijn ghedaent', Ic roep' v aen
Dagh'lijcx: Tot v ic wende
Mijn handen, die wtghebreyt staen.

Sult ghy dan byden Dooden nv

Wonder doen? Ofte sullen
Sy opstaen, end' vervullen
Vwen lof, ende dancken v. Sela.

6

Salmen in t'graf vertellen
V goetheyt? End' dijn trouwe noch
In het verderuen mellen?
Moghen dan v wonderen doch

Bekent worden in duysternis?

Oft v gherechtichede
In t'lant oft inde Stede,
Daermen niets ghedachtich en is?

7

Maer ic roep' tot v, Heere,
End' mijn ghebet comt vroech tot dy.
Waerom mijn siel' soo zeere
Verstoot gheheelijc Heere ghy,

Darenbouen verberght soo wijt

V aenschijn hooch ghepresen
(Seer liefelijc in t'wesen)
Voor my uwen dinaer altijt?

8

Ellendich end' onmachtich
Ben ic, dat ick soo openbaer
Verstooten ben onsachtich,
Ic lijde dijn verschricken swaer,

Dat ic geheel vertsaghe schier.

Dijne gramschap warachtich

[p. 242]

 

Die gaet ouer my crachtich:

 

Dijn verschricken dat druct my hier.

9

Daghelijcx sy omgheuen
My gheheel, ghelijc water claer:
End' omringhen daer neuen
My met malcanderen voorwaer.

Ghy maect dat mijn vrint met gheschil,

Mijn maghen end' bekenden
Hun verr' van my afwenden,
Om alsulker ellenden wil.