De Psalmen Dauids

Den lj. Psalm.

Is een bekentenisse der sonden, ende hoe dat daer t'eenemael niet goets aen ons en is, oock is het een ghebet, dat Godt de sonden vergheuen, ende zijnen H. Gheest ons geuen wille.

1

O Godt mijns doch ghenadich // zijt,
Na dijn goetheyt weldadich // zijt,
Ende doet wt mijn Sonden,
Daer ic in ben beuon-

[p. 142]

 

den,

 

Na uwe barmherticheyt groot.

 

Wast my wel van mijn misdaet bloot,

 

Maect mi van zonden reyne

 

Van mijn quaet groot end' cleyne.

 

Want ic bekenne mijn misdaet,

 

En mijn sond' altijt voor my staet,

 

Aen v (O Heer') heb ic alleen

 

Gesondicht, t'quaet t'welck ick beween

 

Is voor v al ghemeyne.

2

Op dat ghy recht houdt in v woort,
Als ghy ghericht wort soot behoort.
Ic ben sondich van Dade
Gheboren t'mijnder schade,

Mijn moeder my ontfanghen heeft

In sonden, veel quaets my aencleeft.
Ghy hebt lust tot waerhede

[p. 143]

 

Siet, die daer strect tot vrede,

 

Die geheel in t'verborghen leyt:

 

Oock de heymelijke wijsheyt

 

Laet ghy my weten, Heere goet,

 

Ghy doetse my condt metter spoet,

 

Hoe wel ics' ouertrede.

3

Met Isop' (Heer') ontsondicht my,
Op dat ic worde reyn end' vry:
Wascht my dat ic mach wesen
Sneeu-wit, O Godt ghepresen.

Laet my hooren blijschap end' vreucht,

Dat mijn ghebeent' werde verheucht,
T'welc ghy door v mishaghen
In stucken hebt gheslaghen.

Heere, verbercht doch v aensicht

Van mijn sonden, maect my verlicht,
Ende doet wt mijn misdaet zwaer,
Schept in my een hert' reyn end' claer,
Eenen Gheest niew om draghen.

4

Verworpt my van v aensicht niet,
Noch uwen Gheest (diet al doorsiet,
Heylich end' sonder vlecken)
En wilt my niet ontrecken.

Troost my weder met onderstant,

Den Gheest vrymoedich in my plant.
V weghen wil ick leeren,
Op dat hun (Heer') bekeeren

Tot v all' d'ouertreders quaet

Ende de sondaers obstinaet.
Van bloetschult my verlost altijt,
Ghy die mijn Godt end' heylant zijt,

[p. 144]

 

Laet my v G'naed' vermeeren.

5

Heere, mijn Lippen open // doet,
Leert my doch in v hopen // vroet,
Dat ick met mijnen Monde
Vry uwen roem oorconde.

Want ghy Godt en hebt gheenen lust

Tot offerhand', Oock zijn gheblust
Brand-offers, Heer' verheuen:
Ic wous' v anders gheuen.

D'offerhande die Godt behaecht meest,

Dat is eenen ghebroken Gheest:
Een beanxt end' verslaghen Hert'
Van v gheensins veracht en wert:
T'en sal nimmermeer sneuen.

6

O Heere, doet aen Sion wel,
Na dijn Ghenaed', Door v beuel
Laet Ierusalems Muren
Timmeren end' op-vuren.

V sullen Heer' behaghen // dan

D'offerhanden gheslaghen // dan
Heel in Gherechticheden,
Den offer der ghebeden,

Oock de brant-offeren aldaer,

Met den ganschen Offer voorwaer:
Siet, dan salmen in t'openbaer
Veel Verren op uwen Altaer
Offeren in waerheden.