De Psalmen Dauids

Den xxiij. Psalm.

Is eenen troost dat Godt de sijne spijsen, vertroosten, regeren, beschermen ende allerhande seghen gheuen wil.

1

DE Heer' die is mijn Herder goet,
My en sal niet ghebreken.
Hy weyt my op valleyen soet,
Tot verssche water-beken
Hy my beschict // End' hy verquict
Mijn siel: Op rechter straten
Voert hy my stil // Om sijns Naems

[p. 66]

 

will':

 

Hy comt my ras te baten.

2

End' oft ic schoon wandelde bloot
Al in duysteren Dale,
Soo en vreesd' ic gheen ongh'luc groot,
Gheenen noot, noch gheen quale:
Want ghy Godt zijt // By my altijt.

Vwen Stock end' Staf, Heere,

Die troosten my // Sy maken bly
Mijn Siel' end' Leuen teere.

3

Voor my eenen Disch ghy bereyt,
Teghen mijne vyanden:
Met Olie salft ghy planteyt
Mijn hooft door uwen handen,
Ghy schenct my in // Met Hert' end' Sin

Heel vol end' ouervloedich

V lieflijc goet // T'welc ghy my doet,
Door v ghenade spoedich.

4

Het goet end' de barmherticheyt
Sal mijn leef-daegh' my volghen,
Dat self' heeft Godt in Eewicheyt:
My bereyt, onuerbolghen,
Altijt ic sal // Met de Vrom' al

In t'huys des Heeren blijuen:

Ick sal voort-aen // Daer-in bestaen,
End' eewelijc beclijuen. 2. Gloria.