Werken. Deel 2: Proza

[p. 119]

Visiones Haywige⁽¹⁾.

[I]

⁺ Het was in enen sondage ter octaven van pentecosten⁺dat men mi onsen here heimelike te minen bedde brachte, om dat ic ghevoelde soe grote treckinghe van binnen van minen gheeste, dat ic mi van buten onder de menschen soe vele niet gehebben en conste, dat icker ghegaen ware. Ende dat eyschen dat ic van binnen⁽³⁾ hadde om⁽⁴⁾ i. te sine ghebrukelike met gode, Daer wasic te kinsche toe ende te onghewassen ende ic en hadder niet genoech toe ghepijnt noch gheleeft int ghetal van soe hogher werdecheit, Alse daer toe behoerde, ende alse mi daer wel vertoent wart doe ende mi noch wel scijnt. Doe ic onsen here ontfaen hadde, doe ontfinc hi mi te heme, Soe dat hi mi op nam alle mine sinne buten alle ghedinckenesse van vreemden zaken om sijns te ghebrukene in enecheden. Ende ic wart gevoert alse in enen beemt in i. pleyn dat hiet de wijtheit der volcomenre doechde. Daer in stonden bome daer ic in⁽⁵⁾ wart gheleidt, Ende mi worden ghetoent

(1) Deze titel komt in C voor, en namelijk op het eerste der twee schutbladen: C immers begint met de ‘Visioenen’.

+ 42a)⁽²⁾

(2) 42a)] 41d) is niet beschreven.

+ p^m cap^m

(3) dat eyschen dat ic van binnen] B dat ic eyschen van binnen.

(4) om] C dat was om.

(5) in] ontbreekt in B, C toe.

[p. 120]

hare namen ende de nature van haren namen. De ierste boem hadde ene verrotte wortele de overbroesch was ende i. overvast selbloecte⁽¹⁾, Ende daer boven enen herde liefleke scone bloeme, die stont soe onvaste, Wanneer soe een storm quame, soe viele die bloeme ende dorrede. Ende die mi leidde dat was j. inghel vanden tronen die dat onderscheet hebben. Ende op dien selven dach⁺wasic te hem comen met wassene, soe dat ickene hadde ontfaen dat⁽²⁾ hi soude sijn in miere hoeden ende gheselle in al minen weghen. Ende die inghel seide: mensceleke nature, verstant ende kinne Wat dese boem es. Ende ic verstont ende hi toende mi dattat ware de kinnesse ons selves. De wortele verrot, dat was onse broesche nature, Ende dat vaste selblocte, de eweleke ziele, Ende die scone bloeme, die scone vorme der menschen die soe saen verdorven es in ere uren. Doe leidde hi mi voerdane daer i. boem stont die herde neder was, ende hadde scone fiere bladere, onderminet met alrehande varuwen die ghenoehlec waren ane te siene. Ende boven alle die scone bladere hinghen verdorrede⁽³⁾ bladere, die al die scone bladere bedecten. Ende doe seide echt⁽⁴⁾ de inghel: Vercoerne⁽⁵⁾ ziele ende hakende, die van soe⁽⁶⁾ nederen te soe hoghen ghetrect best ende van soe donkern dolinghen te soe claren ende vanden armsten ten rycsten, verstant wat dit es. Ende hi toende mi ende ic verstont. Dat was de oetmoedecheit, die met

(1) selbloecte] B selblocte, C selbloct.

+ 42b)

(2) dat] B soe dat.

(3) verdorrede] C verdorrende.

(4) echt] C ocht.

(5) vercoerne] B vercorende.

(6) van soe] B soe van.

[p. 121]

vroeder vresen, daerse met bekint gods groetheit ende⁺hare nederheit, alle hare wel ghecierde doechde mede dect, om datse ghevoelt ende bekint dat hare ghebracht⁽¹⁾ haers lieves te ghebrukene Ende datse hare ne weet wies⁺verheffen. dits puere oetmoet⁽²⁾. Doe leide hi mi voert daer i. groet boem stont ende i. sterc met sterken, groten⁽³⁾ bladern. ende die inghel seide echt⁽⁴⁾ te mi: O moghende ende sterke, die den moghenden ende den sterken god verwonnen heves van aneghinne sijns selves die sonder beghin was, ende met hem die ewelecheit ghewelden sals in ewechheiden⁽⁵⁾, les ende verstant. Ende ic las ende verstant⁽⁶⁾. In⁽⁷⁾ elc blad was gescreven: Ic ben de cracht van volcomenne wille; mi en mach gheen dinc ontbliven. Ende daer bi stont een boem met vele telgheren, die groet was ende hadde alle sine telghere dore den andern boem ghestecht⁽⁸⁾. Ende die inghel seide echt⁽⁹⁾ te mi: O vroede vander redenen berecht, ja vander redenen des groten gods, les ende verstant die wise lesse ende die vroede die dese dorewassende leert. Ende ic verstant dat ane elc blat⁽¹⁰⁾ was te lesene: Ic ben die onderscedecheit; sonder mi en mach men niet doen. Ende doe leide hi mi voert daer i. overscone boem stont die hadde drierehande tel-

+ humilita

(1) ghebracht] B ghebrac, C ghebrect.

+ 42c)

(2) verheffen...oetmoet] in A van boven bijgevoegd.

(3) sterken groten] A bovendien breden op den rand bijgevoegd, B groten, breden, sterken, C groten breeden.

(4) echt] C noch.

(5) met hem die e.g.s.i. ewechheiden] C met hem die eeuwecheiden.

(6) verstant] C verstont.

(7) Jn] B Ende.

(8) ghestecht] B ghestecht met tusschen gelaschte r, C ghestrect.

(9) echt] C noch.

(10) blat] A blat boven boem.

[p. 122]

ghere, Ende elker telgher waren drie⁽¹⁾: drie boven ende⁽²⁾ drie in midden ende iij. beneden. ende die inghel seide echt⁽³⁾ te mi: O sorfherteghe⁽⁴⁾ om de aventure vanden mesvalle dijns toecomens, O suchtende om die dolinghe⁺der menschen die ghemaket sijn ter minnen gods ende van hem dolen ende eldere gheraken, O stervende metter doot dijns lieves die hi starf, verstant dese iij. nederste telghere, want dure⁽⁵⁾ met op gheclommen best ten oversten telgheren. Ende ic verstont ende⁽⁶⁾ alle die bladere waren van sat groendere varuwen ende scarp ende lanc, ende ane elc blat was ene herte ghescreven. Ende ane die iij. nederste telghere waren al de herten die ane ele blat stonden, van roder varuwen ane te siene⁽⁷⁾, Ende die middelste iij. telghere hadden herten ane te siene⁽⁸⁾ van witter varuwen, Ende die herten vanden oversten iij.⁽⁹⁾ telgheren waren ane te siene van goude. Ende die inghel seide echt⁽¹⁰⁾ te mi: Reine colomme in die kerke der heilighen, die dinen lichame pure ghehouden heves van alle dien saken die niet ne ghetamen inden heilighen tempel gods, O onnosele ende troosterse elker nosen daer die reine wille ons groots gods bi ghesterket sal wesen ende es, O bekinnende met bekinnessen die edele nature ons suets gods daer du soe vruch bi vercors⁽¹¹⁾ pure reynecheit

(1) drie] ontbreekt in B.

(2) ende] ontbreekt in B.

(3) echt] C noch.

(4) sorfherteghe] C sorfachteghe.

+ 42d)

(5) dure] C du ware (ware veranderd uit iets anders).

(6) ende] C dat.

(7) ane te siene] B te siene ane.

(8) ane te siene] B te ansiene.

(9) oversten iij.] B iij. oversten.

(10) echt] C noch.

(11) vercors] B vercoes, C vercoers.

[p. 123]

boven al dat was ende es, ende bi ghere avonturen nie en ghebrukes⁽¹⁾ ure, nu verstant dese iij. middelste telghere. ende ic verstont. Ende die inghel seide echt⁽²⁾ te mi:⁺Ghi soekende gherechte Minne allene in uwen god in al die zeden volmachteleke⁽³⁾ die ter heiligher wet behoren te werkene, Die god gheheilecht heeft met sinen heilighen levene dat hire in levede, ende met sinen groten gheboden ende met sinen hoghen raden; Ghi minnende ende pleghende met minnenden dienste der heiligher zeden na die behaghenesse der alweldeghen gods; Ghi ghestadege⁽⁴⁾ wesinghe daer god trouwe van gherechter Minnen altoes in vent ende ewelike in besitten sal, verstant dese iij. overste telghere. ende ic verstont. Die boem was de wijsheit. Die eerste nederste telch, die ane die bladere die rode herten hadden, dat was die vrese van meswesene ende⁺van ontblivene der volmaecter doechde. Die ander telch⁺was die vrese dat gode soe vele brect⁽⁵⁾ werdecheiden vanden menschen ende datter soe vele dolen van der waerheit die hi selve es. Die derde telch was de vreese dat elc⁺mensche sterven sal metter zelver doot daer onse lief mede starf, wijsleke in elker ende in alder doghet ghenoech te sine om die doot te stervene alle uren, ende dat cruce te draghene ende daghelike daer ane te stervenne ende met⁺aldien te stervene die dolen ende sterven. Die eerste middelste telch die de witten herten hadde ane die bladere, dat was reinecheit ane den lichame inden seden, in

(1) ghebrukes] B en C ghebrakes.

(2) echt] C noch.

+ 43a)

(3) volmachteleke] C volmaectelike.

(4) ghestadege] B ghestade.

+ primus timor

+ 2^us

(5) brect] C ghebrect.

+ 3

+ nota

[p. 124]

woerden, in⁽¹⁾ werken. Die ander telch was dat werken in ieghenwelken onnosel ende reine te begherne ende te⁺hoedene sine werke na ghetamen ons liefs⁽²⁾. Die derde telch was, soe puer te blivene van alre bevlecheit in den geeste, inden gare, inder zielen, dat ghene nederheit daer⁺in en come van dolinghen, van hoverden, van ijdelre glorien, van disperatien, van te vele te hopene dies men noch niet en heeft, ende dat men niet en valle in bliscape boven hebbinghe, Noch in rouwe boven ghebreken, Noch niet en valle in affeccien, Noch in gheen ghenoeghen te vollen tote dien daghe dat men Minne langhe ghenoech ghedraghen heeft na hare tamelecheit, ende datse soe volwassen es ghedraghen ende met tameleken werken soe volvoedt dat men comt boven draghen⁽³⁾ van der Minnen, int ghevoelen dat vele hogher es dan minne te draghene. Want Minne te draghene dats onste verlangen, begaren dienst, oefeninghe van berrenden⁺wille altoes sonder cesseren. Mer minne ghevoelen dats gedinken in vriheiden van minnen. Met minne⁽⁴⁾ te sine verhoecht al. Die eerste telch vanden oversten drien die de guldene herten hadden ane hare blader, dat was met meneghen volmaecten doechden minne ane⁽⁵⁾ haer selven enechleke soeken daerse gheheel in⁽⁶⁾ te vindene es. Die⁺ander telch es, met minnen dien hoghen wille gods te pleghene na sine behaeclecheit, daer hi hem selven elken

(1) in] C ende in.

+ 43b)

(2) na ghetamen o.l.] in C op den rand bijgevoegd.

+ cave

(3) draghen] C dinghen.

+ minne ghevoelen es

(4) van minnen. Met minne] A met minnen. Mer minne, C van minnen. Maer minne.

(5) ane] C met.

(6) in] ontbreekt in C.

+ 43c)

[p. 125]

mede behaghen doet, die hem alsoe levet. Die derde telch was dat ghestade wesen daermen der minnen altoes gheheel met es ute menechfuldeghen doechden in die gheheele eneghe doghet, die de minnende beide in j. verswelghet ende werptse inden afgrond, daerse soeken ende venden selen de eweleke ghebrukelecheit. Doe leide hi mi vort daer wi vonden enen kelc al vol bloets. Ende die inghel seide echt te⁽¹⁾ mi: Grote met groten wille alle onghehoerde pine ende ghehoerde sonder quetsinge ende met soeter rasten overlidende, drinc; ende ic dranc ende dat⁺was de kelc der verduldecheit⁽²⁾. Daer dede ic gheloffenesse, gode ghestadeleke ghenoech te sine in verduldegher trouwen. Doe leide hi mi voert in de middelt der wijtheit⁺daer wi in wandelden. Daer stont j. boem die hadde de⁽³⁾ wortele opwert ende den tsop nederwert. Die boem hadde vele telgheren. Die nederste telgher die de tsop waren⁽⁴⁾, Die eerste was ghelove, die ander hope daer die menschen bi beghinnen. Ende die inghel seide echt⁽⁵⁾ te mi: O meesterse vanden beghinne toteninde op clemmende desen boem ter dieper wortelen des onbegripelex goeds⁽⁶⁾, Verstant⁺hoe dit es die wech der beghinnender ende te gheduerne der volcomender; ende ic verstont dat dat⁽⁷⁾ was die boem der bekinnessen goeds⁽⁸⁾, diemen met ghelove beghint ende met minnen volintet. Daer bi dien boem stont noch j. die

(1) echt te] C noch.

+ calix

(2) verduldecheit] A veruuldecheit, B verduldecheit veranderd uit veruucdecheit.

+ nota

(3) de] ontbreekt in C.

(4) waren] A en B hadden waren (hadden doorgehaald), C hadden.

(5) echt) C noch.

(6) goeds] C gods.

+ 43d)

(7) dat dat] C dat.

(8) goeds] B en C gods.

[p. 126]

hadde ronde bladere ende brede, ende die inghel seide te mi: Blijft hier alse ghevanghene tote des di⁽¹⁾ weder sent die di hier⁽²⁾ ontboden heeft te comene, Ende verstant sinen verhoelnen wille, daer hi dijns in wilt ghebruken. Ende ic vare in dinen gheweldeghen dienst dienen⁽³⁾. Jc hebbe heden van di ontfaen in dinen dienste te wesene alle uren, tote dat du mi ontwassen best ute dien weghen, die ic di hebbe gheleidt ende duse volmaecteleke cans volghen ende ghevoelen dies hoghes⁽⁴⁾ verholens raeds, dien di onse grote gheweldeghe god sal doen weten te diere uren. Jc vare hoeden dinen reinen lichame in⁽⁵⁾ diere edelder werdecheit daer ickene in vonden hebbe ende houden⁽⁶⁾ wille. Ende doe seide hi: kere di omme van mi ende du salt den ghenen venden, dien du ye ghesocht hebs ende daer du allen erdschen ende alle hemelschen bi af ghekeert best. Ende ic keerde mi van heme ende ic sach i. cruce vore mi staen ghelijc cristalle, claerre ende witter dan cristal; daer mocht men dore sien j. grote wijtheit. Ende vore dat cruce sach ic staen enen zetel ghelijc eere⁺sciven ende was claerre ane te siene dan die zonne in haerre claerster macht, ende onder die scive stonden iij. colommen. Die eerste colomme was ghelijc berrende viere. Die andere was ghelijc enen stene die heet thopasius, die heeft nature vanden goude ende na die claerheit der locht ende hi heeft varuwe alre stene. Die derde was ghelijc enen stene die heet amatistus ende heeft i. pellenleke

(1) di] B hi di.

(2) hier] C hi hier.

(3) dienen] ontbreekt in B.

(4) hoghes] ontbreekt in C.

(5) in] B Ende.

(6) houden] B behouden.

+ 44a)

[p. 127]

varuwe na die rose ende na die violette. Ende midden⁽¹⁾ onder die scive draeyde een wyeel soe vreseleke omme, ende die soe eyseleke was ane te siene, dat hemelrike ende ertrike daer af verwonderen mochte ende vervaren. Die zetel die gheleec eere sciven, dat was die ewelecheit. Die iij. colommen waren die iij. namen daerne die ellendege die verre van minnen sijn, mede verstaen. Die colomme ghelijc den viere es die name des heilighen geests. Die colomme ghelijc den thopas es die name dies vader. Die colomme ghelijc den amatist es die name des soens. Die diepe wyeel die soe vreseleke donker es, dats die godleke ghebrukelecheit in haren verhoelne storme. Op die gheweldeghe stat sat die ghene dien ic sochte, ende daer ic een mede hadde begheert te sine ghebrukeleke. Sine vorme was onseghelec⁺enegher redenen. Sijn hoeft was groet ende wijt ende kersp van witter varuwen ende⁽²⁾ was ghecront met ere cronen, die gheleec enen stene die heet sardonius ende heeft iij. varuwen wit swart⁽³⁾ ende roet. Sine ogen waren ane te sine wonderleke onseghelec ende alle dinc treckende in hem in minnen. Daerne maghic niet af te woerde bringhen, Want die ontelleke grote scoenheit endė oversoete soetecheit vandien werdeleken wonderleken⁽⁴⁾ aenscine, Dat benam mi alle redene van⁽⁵⁾ hem in ghelikenessen. Ende mijn lief gaf mi hem selven in verstannessen sijns selves ende in ghevoelne. Maer doe ickene sach, doe vielic hem te voeten, want ic bekinde dat ic al dien wech te hem was gheleidt daer noch alsoe vele toe te levene

(1) midden] C in midden.

+ 44b)

(2) ende] C Hi.

(3) wit swart] C swart wit.

(4) werdeleken wonderleken] B wonderleken werdeleken.

(5) van] C in.

[p. 128]

was. Ende hi seide te mi: Stant up, Want du best in mi op ghestaen sonder beghin gheheel vri ende sonder val. Want du beghert heefts i. met mi te wesenne ende du heefs daer toe ghedaen te rechte ende te cromme; ende overmids dattu soe verstormt best in onghedurecheiden, ende du des orconde heves van mi ende van openbaren werken die du gewracht heves in al dien daer du mijns willen in verwaent heves⁽¹⁾, ende om dine vroede werke hebbic di ghesent den ingel der trone die vroet es, die gherechte willeghe⁽²⁾ ter volmaecheit te leidene,⁺die di zoe bewarent vant van binnen dat hi di alle die weghe leide die hi di soude hebben ghetoent alse enen kinde. Want hi di soe hoghe namen gaf, die di verciert⁺hebben in mijn aenscijn. Nu salic di doen weten wat ic di wille. Ic wille dattu dore minen te⁽³⁾ alre ellendecheit bereet best Ende ic verbiede di, dattu di⁽⁴⁾ nemmermeer⁺en onderwens iet te andene noch te wrekenne alsoe vele als i. opslaen van ere oghen. Daer du di⁽⁵⁾ dies onderwins in enegher manieren, soe bestu de ghene die mi mijn recht ondergaen wilt⁽⁶⁾. Jc gheve di noch, seide hi, j. nuwe gebod: wiltu mi gheliken inder menscheyt alse du beghers⁺inder godheit als te ghebrukene van mi, Soe saltu begaren aerm, ellendech ende versmaedt te sine onder alle menschen, ende alle vernoye selen di smaken boven alle erdsche ghenoechten; in negheenre wijs en later di

(1) verwaent heves] verwanets.

(2) gherechte willeghe] B gerechte ghewilleghe (ghe nadien bijgevoegd), C gherechteghe willeghe.

+ 44c)

+ nota

(3) te] C tote.

(4) di] ontbreekt in C.

+ interdixit

(5) di] ontbreekt in B.

(6) wilt] C wils ende mijn mogentheit onderwints.

+ desiderium

[p. 129]

verdrieten, want si selen ommenscheleke sijn te verdraghene. Wiltu vervolghen minne na die fiere⁽¹⁾ nature die di mine gheheelheit heyschet⁽²⁾, Soe saltu soe vremde⁺werden onder de menschen ende soe onghehoert ende soe onsalech, dune salt noch weten enen nacht waer herberghen⁽³⁾, ende alle menschen selen di noch afstaen⁽⁴⁾⁺ende begheven, ende niemen en sal noch⁽⁵⁾ metti willen dolen in dine noet ende in dine quale. Van al dinen wesene belovic mi in dinen daghen die du gheleeft heves noch enen corten tijt, Want dine uren en sijn noch niet comen. Mer ic hebbe een dinc te di, daer ic mi omme⁺belghe in enen dele dat ic di tonen wille. Du best ionc van daghen ende du wils dat ic bekinne dijns lichamen sware pine ende die trouwe van dinen handewerke⁽⁶⁾ ende dinen⁽⁷⁾ nuwen wille altoes vloyende van karitaten ende die begherte van diere herten ende dat doyen van dinen sinnen ende die minne van dijnre zielen, ende dit bekinnic al. Ende oec bekinne du dat ic levede suver mensche, ende mijn lichame doghede sware pine, ende mine hande wrochten alle trouwe, Ende mijn nuwe wille van karitaten dore vloyde al de werelt in vreemde ende in vriende, ende mine sinne doyden ende mine herte begeerde, ende mine ziele minde, ende in al desen verbeide ic al miere tide des die uren quamen, dat mi mijn vader op nam te hem. Ghi hebt gheseegt somwile te mi: ic had goet menschen⁺leven⁽⁸⁾, Want ik hadde die vij. gaven. dat es waer ende

(1) fiere] B fierleke.

(2) heyschet] A eyscheit, B eysthett.

+ item

(3) noch weten eenen nachtwaer herberghen] C niet weten waer e.n.h.

(4) afstaen] C afgaen.

+ 44d)

(5) noch] ontbreekt in C.

+ habeo contra te

(6) handewerke] C handghewerke.

(7) dinen] B van dinen.

+ nota

(8) leven] B te levene.

[p. 130]

niet allene gaven, mer ic was selve gave der gheeste die de gaven heten. Ende du heves gheseeght: mijn vader was met mi, dats waer, wine scieden nie⁽¹⁾ ure. Mer ic make⁺di cont ene verhoelne waerheit van minnen⁽²⁾ die doch⁺openbar versceen⁽³⁾, diet hadde connen verstaen. dat ic nie i. ure mi selven bi miere moghentheitghenoech en dede in gheen ghebreken, Daer ic in was, noch dat ic ane die gaven mijns geests nie en vervinc, sonder dat icse met pinen van dogene vercreech ende van minen vader, die hi ende ic al i. waren, alse wij nu sijn vore dien dach dat⁺mine ure quam van miere volwassenheit. Ic ne wandelde mijn vernoy noch mine pine bi miere volcomenheit nye. Nu heves du dine ellende gheclaghet ende waer omme du niet ne heves van mi dies du behoefs na dinen nyede, ende ic vraghe di wanneer di dies ghebrac, dune hads die vij. gaven mijns gheests. Ende ic vraghe di wanneer du begheven waers van minen vader in eneghen wesene, mijn vader ne was altoes met di ghelijc hi met mi ende ic met hem was doe ic mensche levede. Na dien dattu⁺mensche best, soe leve ellendech alse mensche. Ic wille van di mi alsoe volcomeleke gheleeft hebben in allen doechden in erdrike, dat du mi in mi selven in ghenen poente en ghebrekes. Heve de vij. gaven mijns geests ende cracht⁺ende hulpe van minen vader in volcomenen werken der⁺doechde, daer men god mede werdet ende blijft ewelike, mer ghevoelt u mensche in al dien ghebreken die ter⁺menscheit behoren sonder sonde allene. alle die pine die⁺ter menscheit behoert, die becoerde ic doe ic mensche

(1) nie] B noyt.

+ 45a)

(2) minnen] C mi

+ de humanitate christi in hoc mundo respectu potentie

(3) versceen] C sceen.

+ item

+ de miseria preceptum

+ dat dona

+ 45b)

+ omnem penam

+ christus habuit

[p. 131]

levede sonder sonde⁽¹⁾. Jc ne coste mi selven nie bi miere⁺moghentheit van binnen sonder met troeste, ende⁽²⁾ dat ic seker was van minen vader. Du heves dat oec wel bekint, dat ic langhe levede in ertrike, eer men mi bekinde onder dat volc, ende eer ic miraculen dede; ende doe icse dede, ende men mi bat bekinde, doe bleef mi onmenich vrient in de werelt; ende in miere doet stondense mi al wel na⁽³⁾ af die leefden; daer omme ne laet di niet berouwen, dat di alle menschen begheven zelen om die volcommene minne, Ende om dat du in minen wille leves. Scone gheliken ende miraclen sijn di van dinen daghen meer ghesciet sonder noet dan eneghen mensche die gheboren wert sider dat ic starf. Miraclen ende ghichten van buten die waren in di sere begonnen te werkene, die heves du mi ontseghet ende bester af ghestaen ende en wilter niet. die beghaefstu bi⁽⁴⁾ minnen ende en wils el niet dan mi ende ommi hevestu als verteghen ende wilt mijns ghebruken⁺in ghevoelne, dat boven al gheet, ende dat ghetal van dinen daghen daer toe dat es noch onna gheleeft. Ic sal di, seget hi, liefste gheminde, gheven mi⁽⁵⁾ heimeleke,⁺alse du mi hebben wils heymeleke⁽⁶⁾, want du niet ne wils dat di die vremde troesten noch datse di bekinnen.⁺Soe salic di gheven verstannesse mijns willen ende conste⁺gherechter minnen, ende enechleke mijns te ghevoelne bi vremden⁽⁷⁾ stormen van minnen, alse du niet gheduren en

(1) sonde] C sonde allene.

+ nota

(2) ende] ontbreekt in C.

(3) al wel na] C wel na alle.

(4) bi] B van.

+ 45c)

(5) mi] B in.

+ dabo me hibi

(6) heymeleke] ontbreekt in A en C.

+ heymelec

+ nota

(7) vremden] C uren.

[p. 132]

mach sonder mijns te ghevoelne, ende⁽¹⁾ dine pine te swaer werdet. Met verstannesse saltu wise⁽²⁾ minen wille werken in alle dien die behoeven van di te wetene minen⁺wille, die hem oncont noch es. niemene ne hevestu noch ghebroken ende niemene en ghebrec nemmermeer tote dien daghe dat ic di segghe: dijn werc es al voldaen. Met minnen saltu leven ende gheduren ende mijns verholens⁺willen pleghen daer du mi mede best verholen⁽³⁾ ende ic di, ende met mijns te ghevoelne salic di ghenoech wesen ende du mi. Dus werke minen wille met verstannesse, mine alre ghenoechlecste gheminde; dus pleghe mijns met minnen, mine naeste ghebrukende⁽⁴⁾ in miere naheit; dus saltu mijns ghebruken. Dit es die boem van dien woerden die ic di nu seide, die heet bekinnesse der minnen. Want die soe vele ghepredeket es, dat di die nederheit verswaren sal. soe toende ic di selve wat ic di wille. Du moets soete weder⁺keren ende doen dat ic di bevolen hebbe; alse du wils, soe nem bladere van desen bome, dat es⁽⁵⁾ kinnesse mijns willen. ende alse di vernoyt, Soe nem vanden tsoppe ene roze; van⁽⁶⁾ hare nem i. blat: dats minne ende alse du niet gheduren en cans, soe nem vander rozen dat daer⁺binnen es, dat es soe salic di⁽⁷⁾ geven mijns te ghevoelne. altoes saltu kinnesse mijns willen hebben, ende minnen⁺ghevoelen ende ter noet mijns ghebrukeleke ghevoelen. Aldus dede mi mijn vader⁽⁸⁾ doe ic sijn sone was; hi liet

(1) ende] C ende die.

(2) wise] C wiseleke.

+ nulli desunt

+ verholen

(3) verholen] ontbreekt in A en C.

(4) naeste gh.] B gh. n., C naesten ghebrukene.

+ 45d)

(5) es] B es de.

(6) van] C ende van.

+ cognitionem voluntatis

(7) dat es soe salic di] C dats dat ic di sal.

+ derelictus

(8) mijn vader] B die vader mijn.

[p. 133]

mi in node ende hine begaf mi nie. Jc ghevoeles in ghebrukene⁺ende ic diende dien daer hi mi toe gesent hadde. Dat herte dat in di rose es soe geheel, dat es ghebrukelecheit van minnen ghevoelleke. Hen allen, lieve, die di goet ende quaet doen, wes al eens van werkens in⁽¹⁾ hare⁺noet. Minne sal di alsoe machtech maken. ghef al, want al es dine.

+ haec serviunt

(1) in] C van.

+ equalis omnibus

(2) 42a)] 41d) is niet beschreven.