Werken. Deel 2: Proza

[III]

God si met u. Ic bidde u dore die gherechte doghet⁺ende trouwe, die god selve es, dat ghi ghedinct alle uren der heilegher doghet, die hi selve es⁽²⁾, Ende die hi was in seden doe hi mensche levede. Ay suete Minne, nu leve wi menschen; Nu ghedinct diere edelre werke dier⁽³⁾ hi hen allen soe ghereet was, elken te siere behoeften; Ende daer na ghedinct der sueter naturen⁺van Minnen die hi nu es, Ende die so eyselec es ane te siene van wondere. Ay wijsheit leidet harde diepe in⁺gode. Daer omme en es hier⁽⁴⁾ ghene sekerheit van levene dan allene na die diepe wijsheit om hem te gherakene. Ay die altoes ongherenen es ende soe diepe te gherakene, Dat moete hem ontfaermen dat nu so lettel yeman daerna doeit⁽⁵⁾, ochte quelet met onghedane ochte met crachte van berrenden werken, yet te gherakene wie hi wonder es, Ende wies hi met Minnen pleghet. Hemelsche ghewoenten soude men hier i. groot deel verstaen⁺ende pleghen, die hem genoech ertscher seden onttrocke bi Minnen bande, Ende die ghenoech hadde hemelscher nyede te gode, Ende der ghebrukeleker Minnen ten menschen in allen saken daer sijs noet had-

+ iij.

(2) [dat ghi....selve es] in C door een later hand van boven bijgevoegd.

(3) dier] B die.

+ 4a)

+ sapientia

(4) hier] C haer.

(5) doeit] C doet.

+ mores celestes

[p. 10]

den. Der Minnen meeste noet ende der Minnen vorste onlede die oefene ic ierst, alsoe doet die broederleke Minne, die levet in die caritate Jhesu Christi; si ondersteet die broederlike Minne⁽¹⁾, welc het si, In bliscapen ochte in rouwen, In crachte ochte in goede, In dienste ochte in rade, In troeste ochte in dreyghene. Hier toe⁺si dine cracht altoes ghereet⁽²⁾ om heme, Also dat⁽³⁾ god hier toe niet te segghene en hevet. Hier met gheraect⁺⁺menne ane die side, daer hi hem selven niet gheweren en can. Want dat es met sijns selves werke, Ende met sijns vader wille, die hem dat beval ende hi voldeet. Ende dat es dies⁽⁴⁾ heilechs geests boetscap. Dan ghevet Minne hemelsche wondere te kinne⁽⁵⁾ in⁽⁶⁾ vele wondere.

(1) die levet....Minne] in B door een later hand van onder bijgevoegd.

+ parata sis

(2) ghereet] in B op den rand bijgevoegd.

(3) Also dat] A en B alse.

+ 4b)

+ tangitur ad latus

(4) dies] B des.

(5) kinne] B kinnene.

(6) in] C ende.